టాలీవుడ్లో కొన్ని హీరో-డైరెక్టర్ కాంబినేషన్లు ప్రేక్షకుల్లో ప్రత్యేక క్రేజ్ను సొంతం చేసుకుంటాయి. అటువంటి హిట్టైన జంటల్లో మాస్ రాజా రవితేజ, స్టైలిష్ డైరెక్టర్ సురేందర్ రెడ్డి కాంబో ఒకటి. ఈ ఇద్దరూ కలిసి చేసిన కిక్ సినిమా ఆ సమయంలో బాక్సాఫీస్ దగ్గర భారీ హిట్గా నిలిచింది. రవితేజ ఎనర్జీ, సురేందర్ రెడ్డి స్టైల్ కలవడంతో ఆ చిత్రం సూపర్ సక్సెస్ అయింది.
అయితే తర్వాత వచ్చిన కిక్-2 మాత్రం ప్రేక్షకుల అంచనాలను అందుకోలేకపోయింది. ఆ ఫెయిల్యూర్ తర్వాత ఈ ఇద్దరూ కలిసి కొత్త సినిమా చేయలేదు. కానీ తాజాగా సినీ వర్గాల్లో వినిపిస్తున్న టాక్ ప్రకారం రవితేజ, సురేందర్ రెడ్డి మరోసారి కలిసే అవకాశాలు ఉన్నట్లు తెలుస్తోంది.
సమాచారం ప్రకారం, సురేందర్ రెడ్డి ఇటీవల రవితేజతో ఒక కొత్త ప్రాజెక్ట్ గురించి మాట్లాడాడని, ఆ ఐడియాకు రవితేజ కూడా ఆసక్తిగా స్పందించినట్లు తెలిసింది. ఈ కాంబో మళ్లీ రీ-యూనైట్ అయితే అది అభిమానుల్లో మంచి హైప్ క్రియేట్ చేయడం ఖాయం.