టాలెంటెడ్ యంగ్ హీరో నిఖిల్ సిద్ధార్థ్ ప్రస్తుతం తన ప్రెస్టీజియస్ పాన్ ఇండియా సినిమా ‘స్వయంభూ’ సినిమా కూడా ఒకటి. నిఖిల్ ప్రస్తుతం ఈ సినిమా షూటింగ్లో బిజీగా ఉన్నాడు. అయితే, నిఖిల్ కొత్త సినిమా ముచ్చట గురించి కూడా మూవీ మేకర్స్ తాజాగా అధికారికంగా ప్రేక్షకుల ముందుకు తీసుకుని వచ్చారు.
సుధీర్ వర్మ దర్శకత్వం వహిస్తున్న నిఖిల్ కొత్త చిత్రానికి ‘అప్పుడో ఇప్పుడో ఎప్పుడో’ అనే టైటిల్ ను ఫిక్స్ చేశారు. ఫస్ట్ లుక్ పోస్టర్తో పాటు టైటిల్ను మేకర్స్ అధికారికంగా వెల్లడిస్తూ వదిలిన పోస్టర్ నెటిజన్లను బాగా ఆకట్టుకుంటుంది.
అన్నట్టు ఈ చిత్రంలో కన్నడ బ్యూటీ రుక్మిణి వసంత్ హీరోయిన్ గా చేస్తోంది. టాలీవుడ్లో ఆమెకు ఈ సినిమా మొదటి సినిమా కావడం విశేషం. ఇక ఈ ఫస్ట్ లుక్ పోస్టర్ లో హీరోహీరోయిన్ల లుక్స్ తో పాటు వారి మధ్య కెమిస్ట్రీని కూడా బాగా ఎలివేట్ చేసే ప్రయత్నం చేశారు చిత్రి బృందం. కాగా ఈ చిత్రాన్ని ఈ దీపావళికి విడుదల చేయనున్నట్లు మేకర్స్ ఈ పోస్టర్ తో క్లారిటీ ఇచ్చారు.