మెయిన్‌ షెడ్యూల్ ముగించుకున్నరాపో 22 యంగ్ అండ్ ఎనర్జిటిక్ హీరో రామ్ పోతినేని నటిస్తున్న లేటెస్ట్ చిత్రాన్ని RAPO22 అనే వర్కింగ్ టైటిల్‌తో తెరకెక్కిస్తున్నారు. ఈ సినిమాను దర్శకుడు పి.మహేష్ బాబు డైరెక్ట్ చేస్తుండగా పూర్తి రొమాంటిక్ ఎంటర్‌టైనర్‌గా ఈ మూవీ రూపొందుతోంది. ఇక ఈ సినిమాలో రామ్ సరికొత్త లుక్‌తో కనిపిస్తున్నాడు.
ఇప్పటికే ఈ సినిమా నుంచి రిలీజ్ అయిన పోస్టర్స్ ప్రేక్షకుల్లో మంచి బజ్ క్రియేట్ చేశాయి. ప్రస్తుతం ఈ సినిమా షూటింగ్ శరవేగంగా జరుపుకుంటుంది. గత కొద్ది రోజులుగా రాజమండ్రి పరిసర ప్రాంతాల్లో షూటింగ్ జరుపుకుంటోంది. అయితే, దాదాపు నెల రోజుల పాటు ఈ షెడ్యూల్ కొనసాగగా.. ఇందులో రెండు సాంగ్స్, ఓ యాక్షన్ సీక్వెన్స్, కొన్ని కీలకమైన సన్నివేశాలు చిత్రీకరించారు చిత్ర యూనిట్.
ఇక తాజాగా ఈ షెడ్యూల్‌ను ముగించుకున్నారు చిత్ర యూనిట్. తమ నెక్స్ట్ షెడ్యూల్‌ను హైదరాబాద్‌లో ప్రారంభించనున్నట్లు చిత్ర యూనిట్ పేర్కొంది. ఈ సినిమాలో అందాల భామ భాగ్యశ్రీ బొర్సె హీరోయిన్‌గా నటిస్తోండగా మైత్రీ మూవీ మేకర్స్ ఈ చిత్రాన్ని ప్రొడ్యూస్ చేస్తున్నారు.