అక్కినేని యంగ్ హీరో నాగచైతన్య నటిస్తున్న తాజా సినిమా ‘తండేల్’ ప్రపంచ వ్యాప్తంగా ఫిబ్రవరి 7న గ్రాండ్ విడుదలకు సిద్దంగా ఉంది. డైరెక్టర్‌ చందు మొండేటి డైరెక్ట్ చేస్తున్న ఈ వింటేజ్ రొమాంటిక్ యాక్షన్ ఎంటర్‌టైనర్ మూవీ ప్రేక్షకుల్లో భారీ అంచనాలను క్రియేట్ చేసింది. ఇక ఇప్పటివరకు విడుదలైన ఈ మూవీ కంటెంట్ ఈ అంచనాలను పెంచాయి.
ఇక ఈ సినిమా ట్రైలర్‌ను జనవరి 28న సాయంత్రం 6.03 గంటలకు విడుదల చేశారు. అయితే, తాజాగా ఈ ట్రైలర్ ప్రిల్యూడ్‌ను మేకర్స్ విడుదల చేశారు. ‘ఈ పండుగ నుండి రాజుగాడే మన తండేల్.. తండేల్ అంటే..?’ అనే డైలాగుతో ఈ ప్రిల్యూడ్ వీడియో ఈ ట్రైలర్‌పై అమాంతం అంచనాలను పెంచేసింది.
మరి ‘తండేల్’ అంటే ఏమిటో తెలియాలంటే ఈ ట్రైలర్ చూడాల్సిందే అంటున్నారు చిత్ర యూనిట్.