కాంచనమాల కేబుల్‌ టీవీ సినిమాతో తెలుగు ప్రేక్షకులకు పరిచయం అయిన నటి లక్ష్మీ రాయ్‌. ఆ తరువాత కాలం కలిసి రాక ఐటమ్స్ సాంగ్స్‌ చేసుకుంటు వచ్చింది. ఆ తరువాత హార్రర్‌ సినిమాల్లో నటించి మెప్పించింది. హీరోయిన్ గా నటించినా కానీ పెద్దగా సక్సెస్‌ కాలేకపోయింది.
దీంతో ఐటమ్ సాంగ్స్‌ లో కుర్ర కారుని తనవైపునకు తిప్పుకుంది. స్టార్ హీరోల పక్కన స్టెప్పులు వేసింది. ఈ క్రమంలోనే తెలుగులో మళ్లీ హీరోయిన్ గా రీ ఎంట్రీ ఇవ్వడానికి రెడీ అయ్యింది ఈ భామ. తాజాగా ఆమె కొత్త చిత్రానికి హీరో శ్రీకాంత్ చేతుల మీదుగా ట్రైలర్ ను లాంచ్ చేశారు. పేరు మార్చుకున్న తరువాత రాయ్‌ లక్ష్మీ హీరోయిన్ గా నటిస్తున్న చిత్రం కావడంతో సినిమా మీద భారీ అంచనాలు నెలకొన్నాయి.
ఈ సినిమా పేరును జనతాబార్‌ గా పెట్టారు. రోచిశ్రీ మూవీస్ పతాకపంపై అశ్వథ్‌ నారాయణ సమర్పణలో రమణ మొగిలి దర్శకత్వంలో ఈ చిత్రం రూపొందుతోంది. ఈ చిత్రంలో బాలీవుడ్ నటుడు శక్తి కపూర్ ఓ కీలక పాత్రలో నటించబోతున్నట్లు సమాచారం. ఆ ట్రైలర్ కొత్తగా ఉంది.. సినిమా పై ఆసక్తిని పెంచుతుంది..
అన్ని పనులను పూర్తి చేసుకున్న ఈ సినిమా వచ్చే నెలలో ప్రేక్షకుల ముందుకు రాబోతుంది.. కుస్తీ నేపథ్యంలో తెరకేక్కుతున్న ఈ సినిమాలో స్త్రీ ప్రాధాన్యతను చాటి చెప్పే కథగా రాబోతుంది. సినిమాలో బార్ గర్ల్ గా మొదలైన అమ్మాయి. కుస్తీ పోటిల్లో ఎలా రానిస్తుంది.. సమాజంలో ఆమె ఎలా రానిస్తుంది అనేది చిత్రా కథాంశాంగా డైరెక్టర్‌ చెప్పుకొచ్చారు.