మ్యాన్ ఆఫ్ మాసెస్ జూ.ఎన్టీఆర్ ‘దేవర’ బ్లాక్బస్టర్ తర్వాత తన నెక్స్ట్ చిత్రాలను ఇప్పటికే లైన్లో పెట్టిన సంగతి తెలిసిందే. బాలీవుడ్ యాక్షన్ థ్రిల్లర్గా రాబోతున్న ‘వార్-2’లో తారక్ నటిస్తున్నాడు. ఇప్పటికే ఈ చిత్ర షూటింగ్ శరవేగంగా జరుగుతోంది. ఇక కన్నడ డైరెక్టర్ ప్రశాంత్ నీల్తో తన కెరీర్లోని 31వ చిత్రాన్ని స్టార్ట్ చేశాడు తారక్.
అయితే ప్రశాంత్ నీల్ డైరెక్షన్లో సినిమాను పూజా కార్యక్రమాలతో ప్రారంభించారు. కానీ, ఇంకా రెగ్యులర్ షూటింగ్ మాత్రం స్టార్ట్ చేయలేదు. దీంతో ఈ మూవీ రెగ్యులర్ షూటింగ్ ఎప్పుడెప్పుడు మొదలుపెడతారా అని అందరూ ఆసక్తిగా చూస్తున్నారు. అయితే, ఇప్పుడు ఈ చిత్ర షూటింగ్పై సినీ వర్గాల్లో తాజాగా ఓ అప్డేట్ వినిపిస్తోంది.
ఈ చిత్ర రెగ్యులర్ షూటింగ్ను ఫిబ్రవరి 20 నుంచి ప్రారంభించేందుకు మేకర్స్ నిర్ణయించుకున్నట్లు తెలుస్తోంది. ఈమేరకు ఏర్పాట్లు కూడా పూర్తి చేశారట. ఇక ఈ చిత్ర షూటింగ్లో ఎన్టీఆర్ మరికొద్ది రోజుల్లో జాయిన్ కాబోతున్నట్లు చిత్ర వర్గాలు చెబుతున్నాయి.