‘వార్ 2’ సినిమా పై సౌత్ లోనే కాదు.. నార్త్‌ లోనూ భారీగా ఆసక్తి నెలకొంది. సినిమా ఎప్పుడు విడుదల అయినా రికార్డుల జాతర మోగించే అవకాశం ఉంది. దీనికితోడు, ‘వార్ 2’ సినిమాకు సంబంధించి వచ్చిన ప్రతి సమాచారం కూడా అభిమానుల్లో ఫుల్ జోష్ ని నింపుతున్నాయి. అయితే, వచ్చే షెడ్యూల్ లో ‘వార్ 2’ క్లైమాక్స్ సీక్వెన్స్ ను ప్లాన్ చేస్తున్నారంట. ఈ సీక్వెన్స్ లో ‘ఎన్టీఆర్ – హృతిక్ రోషన్’లతో పాటు మరో స్టార్‌ హీరో షారుఖ్ ఖాన్ కూడా గెస్ట్ రోల్ లో కనిపిస్తారని టాక్ నడుస్తోంది. మరి ఈ వార్తలో ఎంత వాస్తవం ఉందో తెలియాల్సి ఉంది.
ఏది ఏమైనా మోస్ట్ వాంటెడ్ పాన్ ఇండియా మల్టీస్టారర్స్ లో ఈ ‘వార్ 2’ సినిమా ఓ మూవీనే. దర్శకుడు అయాన్ ముఖర్జీ తెరకెక్కిస్తున్న ఈ సినిమా పై ఆడియన్స్ లో కూడా భారీగా అంచనాలు ఉన్నాయి. అన్నట్టు ‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉండనుందని సమాచారం. పైగా ‘వార్ 2’ అనేది యాక్షన్ ఫిల్మ్. నిర్మాత ఆదిత్య చోప్రా ఈ చిత్రాన్ని ప్రొడ్యూస్‌ చేస్తున్నారు.