“దేవర” సూపర్ హిట్ ఫుల్ జోష్ లో ఉన్నాడు యంగ్ టైగర్ ఎన్టీఆర్. సినిమా హిట్ టాక్ తో పాటు బాక్సాఫీస్ వద్ద బ్లాక్ బస్టర్ కలెక్షన్స్ వసూలు చేస్తుంది. అన్ని తానై దేవరను భుజాలపై మోసి సినిమాను ప్రేక్షకుల ముందుకు తీసుకుని వచ్చాడు ఎన్టీఆర్. అందుకు తగ్గ ప్రతిఫలం ఎంజాయ్ చేస్తున్నాడు. టాక్ తో సంబంధం లేకుండా భారీ వసూళ్లు రాబట్టడమే కాకుండా హైదరాబాద్ RTC X రోడ్ వంటి ఏరియాలలో ఆల్ టైమ్ రికార్డు క్రియేట్ చేసింది దేవర.
ప్రస్తుతం ఎన్టీయార్ సినిమాలపై పలు రకాల డిస్కషన్స్ వినిపిసితున్నాయి. బాలీవుడ్ డెబ్యూ సినిమా వార్ -2 లో యాక్ట్‌ చేస్తున్నాడు తారక్. ఆగష్టు 2025లో విడుదల కానుంది వార్ – 2. దాంతో పాటుగా కన్నడ స్టార్ దర్శకుడు ప్రశాంత్ నీల్ సినిమాను ఈ మధ్యనే మొదలు పెట్టిన సంగతి తెలిసిందే. ఈ సినిమా సంక్రాంతికి 2026లో విడుదల కానుంది. ఈ రెండు సినిమాలతో పాటు పలు కథలు వింటున్నాడు తారక్.
ఈ నేపథ్యంలో తమిళ స్టార్ దర్శకుడు జైలర్, బీస్ట్ వంటి సినిమాలు డైరెక్ట్ చేసిన నెల్సన్ దిలీప్‌కుమార్‌తో కలిసి కథ చర్చలు చేసారని టాక్ వినిపిస్తోంది. నెల్సన్ ప్రస్తుతం “జైలర్ 2” పై తెరకెక్కించే పనిలో ఉన్నాడు. ఇది 2026లో విడుదల కానుంది. కాగా నెల్సన్ చెప్పిన కథకు ఎన్టీయార్ గ్రీన్ సిగ్నల్ ఇచ్చాడని తెలుస్తుంది. 2026లో ఎన్టీఆర్, నెల్సన్ సినిమా ఉంటుందని టాక్. అలాగే మరో తమిళ స్టార్ దర్శకుడు వెట్రిమారన్ తోను యంగ్ టైగర్ ఓ సినిమా చేయబోతున్నట్లు తెలుస్తుంది.