ఈ సంవత్సరం విడుదలైన తెలుగు హిట్ చిత్రాల్లో ఓ మంచి గుర్తింపు సంపాదించుకున్న సినిమా తండేల్. నాగ చైతన్య మరియు సాయి పల్లవి జంటగా నటించిన ఈ సినిమాను చందూ మొండేటి దర్శకత్వంలో తెరకెక్కించారు. సినిమా రిలీజ్ అయ్యిన తర్వాత థియేటర్స్ లోనూ, ఓటిటీల్లోనూ చాలా మంచి రెస్పాన్స్ అందుకుంది. ప్రేక్షకుల నుంచి పాజిటివ్ టాక్ రావడంతో తండేల్ ఒక క్లీన్ హిట్ గా నిలిచింది.
తాజాగా ఈ సినిమా టెలివిజన్ ప్రీమియర్ విషయంలోనూ అలానే సక్సెస్ అందుకుంది. జీ తెలుగు ఛానెల్ లో వరల్డ్ టెలివిజన్ ప్రీమియర్ గా ప్రదర్శితమైన తండేల్, మొదటి టెలికాస్ట్ లోనే 10.32 టీఆర్పీ రేటింగ్ సాధించింది. ఇది ఈ ఏడాదిలో జీ తెలుగులో వచ్చిన సినిమాల్లో టాప్ రేటింగ్స్ లో ఒకటిగా నిలవడం విశేషం. సంక్రాంతి తర్వాత మరోసారి ఈ స్థాయిలో టీఆర్పీ రేటింగ్ అందుకోవడం జీ టీవీకి కూడా మంచి బూస్ట్ ఇచ్చిందని చెప్పొచ్చు.
ఇక ఈ సినిమాకు దేవిశ్రీ ప్రసాద్ మ్యూజిక్ అందించగా, గీతా ఆర్ట్స్ 2 బ్యానర్ పై బన్నీ వాసు ఈ సినిమాను నిర్మించారు. కథలోని ఎమోషన్, మ్యూజిక్, హీరో-హీరోయిన్ మధ్య కెమిస్ట్రీ అన్నీ కలిసి సినిమాకు విభిన్నతను తీసుకొచ్చాయి. దీంతో ఈ చిత్రం ఎక్కడ ప్రదర్శించబడినా మంచి స్పందననే రాబడుతోంది.
తండేల్ థియేటర్లో హిట్ అయింది అనడమే కాదు, ఓటిటీ నుంచి బుల్లితెర దాకా అన్ని వేదికలపై మంచి ఫలితాలే సాధించడం స్పెషల్ గా మారింది.