నటుడు సుహాస్ హీరోగా వరుసగా సినిమాలు చేస్తున్న విషయం తెలిసిందే. ఆయన నటిస్తున్న తాజా సినిమా ‘ఓ భామ అయ్యో రామా’ అనే ఇంట్రెస్టింగ్ టైటిల్తో రూపుదిద్దుకుంటుంది. ఈ సినిమాను రామ్ గోదాల డైరెక్ట్ చేస్తున్నారు. ఈ సినిమాను పూర్తి రొమాంటిక్ కామెడీ ఎంటర్టైనర్గా చిత్ర యూనిట్ తీర్చిదిద్దుతుంది. ఇప్పటికే శరవేగంగా షూటింగ్ జరుపుకుంటున్న ఈ సినిమా నుండి తాజాగా ఓ వీడియో గ్లింప్స్ను మేకర్స్ విడుదల చేశారు.
‘దేవుడినైనా రాముడినైనా నడిపించేది ఆడదే’ అనే ఇంట్రెస్టింగ్ డైలాగ్తో ఈ వీడియో గ్లింప్స్ ప్రేక్షకులను ఆకట్టుకుంటోంది. సుహాస్ ఈసారి కొత్త లుక్తో కనిపిస్తుండటంతో అతడి పాత్ర ఎలా ఉంటుందా.. అనే ఆసక్తి అందరిలో నెలకొంది. ఇక ఈ సినిమాలో మాళవిక మనోజ్ హీరోయిన్గా చేస్తుండడంతో సుహాస్తో ఆమె కెమిస్ట్రీ ఎలా ఉంటుందా అనే ఆసక్తి సినిమాపై పెంచుతుంది.
ఇక ఈ సినిమాలో ‘నువ్వు నేను’ ఫేం అనితా హస్సానందని ఓ కీలక పాత్రలో చేస్తోంది. ప్రభాస్ శ్రీను, అలీ, రవీందర్ విజయ్ తదితరులు ఇతర ముఖ్య పాత్రల్లో యాక్ట్ చేస్తున్నారు.
