టాలీవుడ్లో కింగ్ ఆఫ్ ఎంటర్టైన్మెంట్గా హీరో శ్రీవిష్ణు ప్రత్యేక గుర్తింపు సంపాదించుకున్న సంగతి తెలిసిందే. ఆయన చేసే సినిమాలు ప్రేక్షకులను బాగానే ఆకట్టుకుంటాయి. ఇక శ్రీవిష్ణు నటిస్తున్న తాజా సినిమా ‘సింగిల్’ ఇప్పటికే షూటింగ్ పనులు ముగించుకుని విడుదలకు రెడీ అయ్యింది. ఈ సినిమాను డైరెక్టర్ కార్తీక్ రాజు దర్శకత్వం వహిస్తున్నాడు. తాజాగా ఈ చిత్ర ట్రైలర్ను మేకర్స్ ప్రేక్షకుల ముందుకు తీసుకుని వచ్చారు.
‘సింగిల్’ ట్రైలర్ ఔట్ అండ్ ఔట్ కామెడీ ఎంటర్టైనర్గా మేకర్స్ కట్ చేశారు. శ్రీవిష్ణు మార్క్ కామెడీతో ఈ ట్రైలర్ ఆద్యంతం ఆకట్టుకుంది. ఇక ఈ సినిమాను ట్రయాంగిల్ లవ్ స్టోరీగా తెరకెక్కించినట్లు ఈ ట్రైలర్లో విడుదల చేశారు. శ్రీ విష్ణు తనదైన డైలాగ్ డెలివరీతో ప్రేక్షకులను ఆకట్టుకునేందుకు రెడీ అవుతున్నాడు. శ్రీ విష్ణుతో కలిసి వెన్నెల కిషోర్ చేయబోయే కామెడీ ప్రేక్షకులకు ఫన్ రైడ్ అందించడం ఖాయమని స్పష్టం అవుతోంది.
