మెగాస్టార్ చిరంజీవి హీరోగా తెరకెక్కుతోన్న ఫాంటసీ సినిమా “విశ్వంభర” విడుదలపై అభిమానుల్లో చాలా కాలంగా ఆసక్తి నెలకొంది. కానీ ఈ ప్రాజెక్ట్ రిలీజ్ మాత్రం తరచూ వాయిదా పడుతూ వస్తోంది. అయినప్పటికీ దర్శకుడు వశిష్ఠ మాత్రం చిత్రానికి సంబంధించిన కొన్ని ఇంట్రెస్టింగ్ విషయాలను మెల్లగా బయటకు తీసుకొస్తున్నాడు.
ఇప్పుడు తాజా సమాచారం ప్రకారం, ఈ సినిమాలో ఇద్దరు ప్రధాన కథానాయికలు ఉన్నారు. చాలామంది త్రిషే లీడ్ హీరోయిన్ అని భావిస్తున్నారు. కానీ ఇప్పుడు వశిష్ఠ చెప్పిన వివరాల ప్రకారం, త్రిషతో పాటు ఆషిక రంగనాథ్ కూడా ఈ సినిమాకు మరో మెయిన్ హీరోయిన్ గా కనిపించబోతున్నారని స్పష్టం అయ్యింది. అంటే ఈ భారీ చిత్రంలో చిరంజీవి పక్కన త్రిష, ఆషిక ఇద్దరూ ముఖ్యమైన పాత్రల్లో కనిపించనున్నారు.
ఇప్పటికే త్రిష, ఆషికతో పాటు సురభి పురాణిక్ లాంటి ఇతర నటీమణులు కూడా ఇందులో ఉన్న సంగతి తెలిసిందే. అయితే త్రిష, ఆషిక పాత్రలే లీడ్ రోల్స్ గా ఉండబోతున్నాయన్న విషయాన్ని స్వయంగా దర్శకుడే కన్ఫర్మ్ చేశాడు.
ఈ ఫాంటసీ యాక్షన్ డ్రామాకు ప్రముఖ సంగీత దర్శకుడు ఎంఎం కీరవాణి స్వరాలు అందిస్తున్నారు. నిర్మాణ బాధ్యతలు UV క్రియేషన్స్ సంస్థ తీసుకుంది. “విశ్వంభర”పై ప్రేక్షకుల్లో ఉన్న హైప్ దృష్టిలో ఉంచుకుని మేకర్స్ కూడా ప్రమోషన్లు జోరుగా ప్లాన్ చేస్తున్నారు.