పవర్ స్టార్ పవన్ కళ్యాణ్ నటిస్తున్న తాజా సినిమా ‘ఓజీ’ గురించి ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిందే. ఈ సినిమాను దర్శకుడు సుజిత్ తెరకెక్కిస్తుండగా పూర్తి గ్యాంగ్‌స్టర్ యాక్షన్ మూవీగా ఈ సినిమా రాబోతుంది. ఇక ఈ సినిమాకు సంబంధించిన ప్రమోషనల్ కంటెంట్ ఇప్పటికే ఈ మూవీపై హైప్‌ని పీక్స్‌లో ఉంచింది.
అయితే, ఈ సినిమాలో పవన్ కళ్యాణ్ ఎలాంటి కథతో ప్రేక్షకుల ముందుకు వస్తాడా అని అభిమానులు ఎంతో ఆసక్తిగా ఎదురుచూస్తున్నారు. ఇక ఈ సినిమా షూటింగ్ ఇప్పటికే పలు షెడ్యూల్స్‌ను ముగించుకుంది. అయితే, తాజాగా ఈ సినిమా షూటింగ్ బ్యాంకాక్‌లో జరుపుకుంటుంది.
ఈ సినిమా సెట్స్‌లో డైరెక్టర్‌ సుజిత్ ఫోటోను మేకర్స్ తాజాగా సోషల్ మీడియాలో విడుదల చేశారు. ఈ ఫొటోలో సుజిత్ చాలా సీరియస్‌గా వర్క్ మోడ్‌లో ఉన్నాడు.దీంతో ఈ సినిమాకు సంబంధించి ఎలాంటి షూటింగ్ జరుగుతుందా అని అందరూ ఎంతోఆసక్తిగా ఎదురు చూస్తున్నారు.