తారక్ అంటేనే ప్రేక్షకుల్లో ఒక ప్రత్యేకమైన క్రేజ్. మ్యాస్ మాస్టర్స్లో తనకంటూ ఓ గుర్తింపు ఏర్పరుచుకున్న ఎన్టీఆర్ ప్రస్తుతం వరుస సినిమాలతో బిజీగా ఉన్నాడు. ‘వార్ 2’ అనే భారీ యాక్షన్ ప్రాజెక్ట్ను తారక్ పూర్తిచేయగా, ఆ చిత్రం ఆగస్టులో థియేటర్లలో విడుదలయ్యేందుకు సిద్ధంగా ఉంది. అదే సమయంలో ప్రశాంత్ నీల్ దర్శకత్వంలో మరో సినిమా కోసం కూడా ఎన్టీఆర్ షూటింగ్ జరుపుతున్నాడు. ఈ సినిమా వచ్చే ఏడాదిలో ప్రేక్షకుల ముందుకు రానుంది.
అయితే ఈ రెండింటికంటే ముందే తారక్ చేయబోయే తదుపరి ప్రాజెక్ట్ గురించి తాజాగా నిర్మాత నాగవంశీ ఆసక్తికర విషయాన్ని తెలిపారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో తారక్ ఓ కొత్త సినిమాకు గ్రీన్ సిగ్నల్ ఇచ్చాడట. ఈ సినిమా కథ నేపథ్యంలో సుబ్రహ్మణ్య స్వామి కాన్సెప్ట్ ఉందట. ఆధ్యాత్మికతతో కలిపి మాస్ ఎలిమెంట్స్ ఉండే విధంగా ఈ కథను త్రివిక్రమ్ డిజైన్ చేస్తున్నట్లు సమాచారం.
ఇక ఈ సినిమాలో తారక్కు ఎదురు నిలిచే పవర్ఫుల్ విలన్ క్యారెక్టర్ కోసం మేకర్స్ ఓ స్పెషల్ కాస్టింగ్పై ఫోకస్ పెట్టారట. ఈ పాత్రకి టాలీవుడ్ హంక్ రానా దగ్గుబాటి పేరును పరిశీలిస్తున్నట్లు ఇండస్ట్రీ టాక్. రానా మాస్ అటిట్యూడ్, స్ట్రాంగ్ స్క్రీన్ ప్రెజెన్స్ ఉంటుందనడంతో అతడిని ఈ పవర్ఫుల్ విలన్ పాత్రకు తీసుకుంటే బాగుంటుందని మేకర్స్ భావిస్తున్నారట. తారక్తో రానా డైరెక్ట్ కన్ఫ్రంటేషన్లో కనిపిస్తే ప్రేక్షకులకు ఇది ఓ స్పెషల్ ట్రీట్ అవుతుందని అంచనా వేస్తున్నారు.
ఇప్పుడు అసలైన క్వశ్చన్ ఏమిటంటే, రానా వాస్తవంగానే ఈ సినిమాలో విలన్గా ఎంపిక అవుతాడా లేదా అన్నది. మేకర్స్ ఈ క్యాస్టింగ్పై చివరిగా ఏ నిర్ణయం తీసుకుంటారో చూడాలి. కానీ తారక్ – త్రివిక్రమ్ – రానా అనే కాంబినేషన్ వస్తే మాత్రం అది టాలీవుడ్లో మరొక ప్యాన్ ఇండియా సెన్సేషన్ అయ్యే అవకాశం ఉంది.