సినిమాల్లో ఎంత డెడికేషన్‌ గా ఉంటారో… ప్రతి పనిలోనూ అలానే ఉంటారు డైరెక్టర్‌ రాజమౌళి. సినిమాలతో ఎంత బిజీగా ఉన్నప్పటికీ కుటుంబానికి ఇవ్వాల్సిన సమయాన్ని ఆయన ఎప్పుడూ కూడా ప్రత్యేకంగా కేటాయిస్తాడు. ఆయన కొద్ది రోజుల క్రితం ఓ ఫంక్షన్‌ లో భార్య రమతో కలిసి ప్రభుదేవా ప్రేమికుడు సినిమాలోని అందమైన ప్రేమ రాణి చేయి తగిలితే… అనే పాటకు డ్యాన్స్ చేసిన విషయం తెలిసిందే.
ఆ వీడియో నెట్టింట్లో ఎంత వైరల్‌ గా మారిందో… అది చూసిన వారంతా కూడా జక్కన్నలో ఈ యాంగిల్‌ కూడా ఉందా అంటూ కామెంట్లు పెట్టడం కూడా జరిగింది. తాజాగా ఆ డ్యాన్స్ కు సంబంధించిన రిహార్సెల్‌ వీడియో ఒకటి సోషల్‌ మీడియాను షేక్‌ చేస్తుంది.
రాజమౌళి-రమ డ్యాన్స్ ప్రాక్టీస్‌ చేస్తున్న వీడియోను చూసిన నెటిజన్లు ప్రశంసిస్తున్నారు. అందులో రాజమౌళి స్టెప్పులకు ఫ్యాన్స్ ఫిదా అవుతున్నారు. ప్రాక్టీస్‌లో కూడా పెర్‌ఫెక్షన్ చూపించారు రాజమౌళి. ‘డైరెక్షన్ లోనే కాదు డాన్స్ లోనూ మీరు మాస్టరే సార్‌’ అంటూ నెటిజన్లు కామెంట్స్‌ చేస్తున్నారు.