పాన్ ఇండియా స్టార్ ప్రభాస్ మరియు దర్శకుడు ఎస్.ఎస్. రాజమౌళి కలయికలో వచ్చిన బాహుబలి సినిమాలు ఇండియన్ సినీ చరిత్రలో కొత్త మైలురాయిలు సృష్టించాయి. ఆ రెండు భాగాలు ప్రేక్షకుల హృదయాల్లో చిరస్థాయిగా నిలిచిపోయాయి. ఇప్పుడు ఆ విజువల్ వండర్ను మరోసారి థియేటర్లలో చూడే అవకాశం రాబోతోంది. “బాహుబలి ది ఎపిక్” పేరుతో ఈ రెండు సినిమాలను కలిపి మళ్లీ రీ–రిలీజ్ చేయడానికి సిద్ధమవుతున్నారు.
ఇప్పటికే ఈ రీ–రిలీజ్పై ప్రేక్షకుల్లో భారీ అంచనాలు నెలకొన్నాయి. ముఖ్యంగా యూఎస్ మార్కెట్లో బుకింగ్స్ ప్రారంభమైన వెంటనే అద్భుతమైన స్పందన వస్తోంది. ఇంకా విడుదలకు కొంత సమయం ఉన్నప్పటికీ టికెట్ సేల్స్ ఊహించని స్థాయిలో సాగుతున్నాయి. వందలాది షోలకి ప్రేక్షకులు ముందుగానే బుకింగ్స్ పూర్తి చేసేశారు. ప్రస్తుతం ఈ కలెక్షన్లు లక్ష డాలర్ల మార్క్కి దగ్గరగా చేరుకున్నాయి.
ఇప్పటివరకు రీ–రిలీజ్ అయిన అనేక పెద్ద చిత్రాలు తమ లైఫ్ టైం వసూళ్లతో మెప్పించాయి. కానీ బాహుబలి ది ఎపిక్ వాటన్నింటినీ మించి కొత్త రికార్డులు సెట్ చేసే అవకాశాలు కనబడుతున్నాయి. ప్రభాస్ అభిమానులు, రాజమౌళి అభిమానులు ఈ రీ–రిలీజ్ని ఒక వేడుకలా మార్చేందుకు సిద్ధమవుతున్నారు.