బాలీవుడ్ లో కండల వీరుడు సల్మాన్ ఖాన్ హీరోగా నటిస్తున్న లేటెస్ట్ సినిమాల్లో డైరెక్టర్‌ మురుగదాస్ తో చేస్తున్న భారీ సినిమా “సికందర్” కూడా ఒకటి. మరి ఈ సినిమా కోసం సల్మాన్ అభిమానులు చాలా ఆసక్తిగా ఎదురు చూస్తుండగా ఈ సినిమా విషయంలో కొన్ని అంశాలు మాత్రం కొంచెం టెన్షన్ ని కూడా అభిమానుల్లో క్రియేట్‌ చేశారు మూవీ మేకర్స్‌.
దీంతో ఈ చిత్రం మురుగదాస్ తెరకెక్కించిన సర్కార్ కి రీమేక్ అని చాలా మాటలు వినిపించాయి. దీనితో ఇది రీమేక్ అని బజ్ కూడా పెద్దగా లేదు. మరి దీనికి ఫైనల్ గా సమాధానం మురుగదాస్ నేడు ట్రైలర్ తో ఇచ్చారని తెలుస్తుంది. సల్మాన్ అభిమానులకి మంచి ట్రీట్ ఇచ్చే విధంగా మాస్ మూమెంట్స్ తో ట్రైలర్ ని అదిరేలా మురుగదాస్ ప్రేక్షకుల ముందుకు తీసుకుని వచ్చారు.
అయితే ఇందులోనే ఈ సినిమా ఏ చిత్రానికి రీమేక్ కాదు అని స్ట్రైట్ సినిమానే అన్నట్టుగా కనిపిస్తుంది. ట్రైలర్ లో ఎక్కడా కూడా సర్కార్ తరహా షేడ్స్ కనిపించలేదు. దీనితో ఈ సినిమా మాత్రం స్ట్రైట్ సినిమానే అని ఇపుడు సల్మాన్ అభిమానులు నమ్ముతున్నారు. ఇక ఈ మార్చ్ 30న గ్రాండ్ గా రిలీజ్ కి రాబోతున్న ఈ చిత్రం ఎలాంటి వసూళ్లు అందుకుంటుందో చూడాలి మరి.