మాస్ మహారాజా రవితేజ తాజాగా నటించిన మిస్టర్ బచ్చన్ సినిమా భారీ అంచనాల మధ్య విడుదలై థియేటర్లలో సందడి చేస్తోంది ఈ సినిమాకు మిక్సిడ్ టాక్ రావడంతో మాస్ ఆడియెన్స్ ఈ సినిమాను చూసేందుకు ఆసక్తిని చూపిస్తున్నారు. లాంగ్ వీకెండ్‌లో ఈ సినిమా పుంజుకుంటుందని మూవీ మేకర్స్ అనుకుంటున్నారు.
ఇక ఈ సినిమాకు మంచి విజయాన్ని అందించిన అభిమానులకు ‘మిస్టర్ బచ్చన్’ టీమ్ధ ప్రత్యేక ధన్యవాదాలు తెలిపింది. తమ సక్సెస్ సెలబ్రేట్ చేసుకునేందుకు దర్శకుడు హరీష్ శంకర్ , హీరోయిన్ భాగ్యశ్రీ బొర్సె తమ హీరో వద్దకు వెళ్లారు. రవితేజ ప్రస్తుతం తన కొత్త సినిమా షూటింగ్‌లో ఫుల్ బిజీగా ఉన్నాడు. దీంతో ఆయన్ను నేరుగా కలిసేందుకు ఆ షూటింగ్ సెట్స్‌లో ప్రత్యక్షమయ్యారు మిస్టర్ బచ్చన్ డైరెక్టర్ అండ్ కథానాయిక. తమ ఆనందాన్ని ఆయనతో కలిసి ఎంజాయ్ చేశారు.
దీనికి సంబంధించిన వీడియో గ్లింప్స్‌ను చిత్ర యూనిట్ సోషల్ మీడియాలో పంచుకుంది.