మలయాళ సినిమాల గురించి మాట్లాడితే ముందుగా గుర్తుకు వచ్చే ఇద్దరు లెజెండరీ హీరోలు మమ్ముట్టి, మోహన్ లాల్. ఈ ఇద్దరూ ఏ సినిమా చేసినా ఆ సినిమాకి క్రేజ్ ఏ రేంజ్లో ఉంటుందో ప్రత్యేకంగా చెప్పాల్సిన అవసరం లేదు. ఇప్పటికీ వీరి సినిమాలు రిలీజ్ అవుతున్నా మలయాళ బాక్సాఫీస్ మొత్తం ఊపందుకుంటుంది.
ఇప్పుడేమో మమ్ముట్టి పుట్టినరోజు సందర్భంగా సినీ వర్గం అంతా శుభాకాంక్షలు చెబుతోంది. ఆ సందర్భంలో ఆయన సమకాలీన స్టార్ మోహన్ లాల్ కూడా తనదైన రీతిలో విషెస్ చెప్పి అందరి దృష్టిని ఆకర్షించాడు. ఇద్దరూ కలసి ఉన్న ఒక అద్భుతమైన ఫోటోను షేర్ చేస్తూ హృదయపూర్వక శుభాకాంక్షలు తెలిపాడు. ఆ ఫోటోలో ఇద్దరూ రాజసంగా కనిపించడంతో అభిమానులు ఆనందంలో మునిగిపోయారు.