గ్లోబల్ స్టార్ రామ్ చరణ్ హీరోగా ఇపుడు నటిస్తున్న భారీ సినిమా కోసం అందరికీ తెలిసిందే. దర్శకుడు బుచ్చిబాబు సానా కలయికలో జాన్వీ కపూర్ హీరోయిన్ గా నటిస్తున్న ఈ స్పోర్ట్స్ డ్రామాపై సాలిడ్ హైప్ నెలకొంది. ఇక ఈ సినిమా షూటింగ్ ప్రస్తుతం శరవేగంగా జరుగుతోంది. మరి చరణ్ నుంచి ఆల్రెడీ వచ్చిన గేమ్ ఛేంజర్ సినిమా బాక్సాఫీస్ దగ్గర డిజప్పాయింట్ చేయడంతో ఇక అంచనాలు అన్నీ ఈ సినిమా మీదే అభిమానులు పెట్టుకున్నారు.
అయితే ఈ సినిమా రిలీజ్ కూడా ఈ ఏడాది లోనే ఉంటుంది అని ఆల్రెడీ పలు రూమర్స్ ఉన్న సంగతి అందరికీ తెలిసిందే. అయితే ఇపుడు ఆ డేట్ ని కూడా మేకర్స్ లాక్ చేసినట్లు తెలుస్తోంది. దీనితో ఈ సినిమా ఈ ఏడాది అక్టోబర్ 16న థియేటర్స్ లో సందడి చేసేందుకు రాబోతుంది అన్నట్టు తెలుస్తోంది. మరి దీనిపై అధికారిక క్లారిటీ ఇంకా రావాల్సి ఉంది. ఇక ఈ సినిమాకి ఆస్కార్ విజేత ఏ ఆర్ రెహమాన్ సంగీతం అందిస్తున్నారు అలాగే వృద్ధి సినిమాస్ మరియు మైత్రిమూవీ మేకర్స్ నిర్మాణం వహిస్తున్నారు.