దీపావళి కానుకగా టాలీవుడ్ బాక్సాఫీస్ దగ్గర కొన్ని విడుదలై సందడి చేస్తున్న సంగతి తెలిసిందే. అయితే, ఈ సినిమాల్లో తెలుగు ప్రేక్షకుల్లో మంచి బజ్‌ని క్రియేట్ చేసిని సినిమాలు మాత్రం ‘క’, ‘లక్కీ భాస్కర్’.
ఈ రెండు సినిమాలు కూడా విభిన్నమైన కథాంశాలతో రూపుదిద్దుకున్నాయి. అయితే, ఈ రెండు సినిమాల్లో ఓ కామన్ పాయింట్ ఉంది. ఈ సినిమాల్లోని కంటెంట్‌పై మాత్రం చిత్రాల హీరోలు, దర్శకనిర్మాతలు పూర్తి నమ్మకంతోనే ఉన్నారు
అందులో కూడా ‘క’ సినిమాపై హీరో కిరణ్ అబ్బవరం అయితే పూర్తి కాన్ఫిడెంట్‌గా కనిపించాడు. ఇదే విషయాన్ని చిత్ర ప్రీ-రిలీజ్ ఈవెంట్‌లో కూడా సినిమా గురించి చాలా ఎమోషనల్‌గా చెప్పాడు. ఈ సినిమాతో సాలిడ్ హిట్ కొట్టి తీరుతానని కిరణ్ అబ్బవరం గట్టి నమ్మకంతోనే ఉన్నాడు.
ఇక ‘లక్కీ భాస్కర్’ మూవీ విషయంలో నిర్మాత నాగవంశీ కూడా పూర్తి కాన్ఫిడెన్స్‌ను వ్యక్త పరిచాడు. ‘లక్కీ భాస్కర్’ మూవీ ఓ విభిన్నమైన కథతో వస్తోందని.. ఈ సినిమాలో ఏదైనా తప్పును గుర్తిస్తే, వారికి పిలిచి మరీ పార్టీ ఇస్తానంటూ నాగవంశీ ఛాలెంజ్ కూడా చేసిన సంగతి తెలిసిందే.
ఇలా రెండు సినిమాలపై ఆయా చిత్ర నిర్మాతలు పూర్తి కాన్ఫిడెంట్‌గా ఉండటంతో ప్రేక్షకుల్లో కూడా ఈ సినిమాలపై మంచి అంచనాలను క్రియేట్ చేశారు. ఇక వారు చెప్పినట్లుగానే దీపావళి కానుకగా భారీ స్థాయిలో విడుదల చేసి బాక్సాఫీస్ దగ్గర మంచి హిట్టు కొట్టారు. ఇలా చెప్పి మరీ హిట్టు కొట్టడంతో ప్రేక్షకులు వారిని అభినందనలతో ముంచెత్తుతున్నారు.