అఖిల్ తరువాత సినిమా పై తాజా అప్డేట్! అక్కినేని యంగ్ హీరో అఖిల్ ప్రస్తుతం తన నెక్స్ట్ చిత్రాన్ని పట్టాలెక్కించేందుకు సిద్ధమయ్యాడు. దర్శకుడు మురళీ కిషోర్ అబ్బూరి డైరెక్షన్లో ఓ సినిమా చేస్తున్నట్లు ఇటీవల అఖిల్ అనౌన్స్ చేశాడు. ఇక సినిమాను ‘లెనిన్’ అనే టైటిల్తో రూపొంచబోతున్నట్లు తెలుస్తోంది.
అయితే, ఈ సినిమాకు సంబంధించి తాజాగా సోషల్ మీడియాలో ఓ వార్త జోరుగా చక్కర్లు కొడుతోంది. ఈ చిత్రానికి సంబంధించిన తొలి షెడ్యూల్ను ఏకధాటిగా 20 రోజుల పాటు చిత్రీకరించనున్నారని.. ఇందులోనే సినిమా 50 శాతం షూటింగ్ పూర్తి చేస్తారని తెలుస్తోంది. ఫారిన్ లొకేషన్లకు ప్రాధాన్యత లేకుండా లోకల్లోనే ఈ సినిమాను రూపొందించనున్నారట.
ఇక ఈ సినిమా కథ రాయలసీమ బ్యాక్డ్రాప్తో తెరకెక్కబోతుందని తెలుస్తోంది. ఈ సినిమాలో అందాల భామ శ్రీలీల హీరోయిన్గా నటించనుందట. ఈ చిత్ర యూనిట్ అనుకుంటున్న ప్లాన్ ప్రకారం ఈ చిత్రాన్ని దసరా బరిలో రిలీజ్ చేసినా ఆశ్చర్యపోనక్కర్లేదని పలువురు కామెంట్ చేస్తున్నారు.