యంగ్‌ రెబల్‌ స్టార్ ప్రభాస్ బాహుబలి తరువాత సలార్‌ సినిమాతో సూపర్‌ హిట్‌ ని సొంతం చేసుకున్నాడు. ఇప్పుడు మళ్లీ కల్కి సినిమాతో ఎలాగైనా విజయం సాధించాలని కసితో ఉన్నాడు. ఈ క్రమంలోనే ప్రభాస్ కల్కి సినిమా తో ప్రేక్షకుల ముందుకు వస్తున్నాడు.ఈ సినిమా హాలీవుడ్ రేంజ్ లో రాబోతున్నట్లు దీనిని మొదటగా మే 9 న ప్రపంచ వ్యాప్తంగా చాలా గ్రాండ్ గా విడుదల చెయ్యనున్నట్లు ప్రకటించారు. అయితే ఏపీలో ఎలక్షన్స్‌ వలన దీనిని వాయిదా వేసినట్లు తెలుస్తుంది.
తాజాగా ఈ సినిమా కొత్త విడుదల తేదీ ఇదే అంటూ వార్తలు షికారు చేస్తున్నాయి. ఈ సినిమాను సరికొత్త కథతో తెరకెక్కిస్తున్నారు.సైన్స్, ప్లస్‌ పురాణాలు రెండు కలిపి చూపించబోతున్నారు. ఈ సినిమా కోసం ప్రభాస్ అభిమానులే కాక సినీ అభిమానులందరూ ఎంతో ఆసక్తిగా ఎదురు చూస్తున్నారు. డైరెక్టర్ నాగ్ అశ్విన్ ఈ సినిమా గురించి మరింత చెప్తూ అంచనాలు పెంచుతున్నారు. ఇప్పటికే ‘కల్కి 2898AD’ సినిమా విడుదల గురించి ఎన్నో వార్తలు బయటకు వచ్చాయి.
తాజాగా సినిమా రిలీజ్ డేట్ పై ఓ వార్త ప్రచారం జరుగుతుంది. అది ఏంటంటే.. ఏపీలో జరగబోతున్న ఎన్నికల నేపథ్యంలో మే 9న రిలీజ్ కావాల్సిన ప్రభాస్ కల్కి సినిమా వాయిదా పడింది. సినిమాని 30వ తేదీ విడుదల చేసేందుకు కొత్త రిలీజ్ డేట్ ఫిక్స్ చేశారట ఈ విషయాన్ని త్వరలోనే అధికారికంగా ప్రకటించబోతున్నారని సమాచారం.
ఈ సినిమాలో కమల్‌ హాసన్‌ విలన్‌గా కనిపించనున్నాడని, దీపికా పదుకొనే, దిశా పటాని, రానా, అమితాబ్ బచ్చన్.. పలువురు ముఖ్య పాత్రలు పోషిస్తుండగా రాజమౌళి, దుల్కర్ సల్మాన్ కూడా అతిథి పాత్రల్లో మెరవబోతున్నట్లు సమాచారం.