కోలీవుడ్ స్టార్ హీరో దళపతి విజయ్ హీరోగా మీనాక్షి చౌదరి హీరోయిన్ గా దర్శకుడు వెంకట్ ప్రభు కాంబోలో “ది గోట్” అనే మూవీ చేస్తున్న సంగతి తెలిసిందే. మరి ఇది విజయ్ కెరీర్ లో 68వ సినిమా కాగా ఈ సినిమా తర్వాత విజయ్ ఒక్క సినిమా చేసి సినిమాలకి స్వస్తి చెప్పనున్నట్టు తేల్చి చెప్పేశాడు. అయితే ఈ సినిమా ఎవరితో చేస్తాడు అనే దాని గురించి మాత్రం ఎప్పటి నుంచో సస్పెన్స్ గా మారింది. ప్రస్తుతం దీని పై ఓ స్ట్రాంగ్ బజ్ వినపడుతుంది.
దీని ప్రకారం విజయ్ ఫైనల్ సినిమాని ప్రముఖ దర్శకుడు హెచ్ వినోద్ దర్శకత్వం వహించడం కన్ఫర్మ్ అయ్యింది. అంతే కాకుండా ఇది వరకు వినిపించిన బజ్ ఈ సినిమా పొలిటికల్ బ్యాక్ డ్రాప్ లో ఉంటుందనే టాక్ ఇప్పుడు వినిపిస్తోంది. ఈ సినిమా ఒక పక్కా కమర్షియల్ సినిమాగా తెరకెక్కించనున్నట్టుగా సమాచారం. మరి ఈ చిత్రంపై అధికారిక క్లారిటీ అయితే రావాల్సి ఉంది.
