గ్లోబల్ స్టార్ రామ్ చరణ్ హీరోగా జాన్వీ కపూర్ హీరోయిన్ గా దర్శకుడు బుచ్చిబాబు తెరకెక్కిస్తున్న అవైటెడ్ సినిమానే “పెద్ది”. చరణ్ కెరీర్లో 16వ సినిమాగా ప్లాన్ చేస్తున్న ఈ సినిమా కోసం మెగా అభిమానులు చాలా ఎగ్జైటెడ్ గా ఉన్నారు. అయితే ఈ సినిమా గ్లింప్స్ ని మేకర్స్ ఈ ఏప్రిల్ 6న రామ నవమి కానుకగా విడుదల చేస్తున్న సంగతి అందరికీ తెలిసిందే.
పెద్ది ఫస్ట్ షాట్ అంటూ వస్తున్న ఈ స్పోర్ట్స్ డ్రామా గ్లింప్స్ పై సాలిడ్ బజ్ ఇపుడు వినిపిస్తోంది. ఈ గ్లింప్స్ ఫ్యాన్స్ పెట్టుకున్న అంచనాలు మించి ఉండబోతోంది అని తెలుస్తోంది. అంతే కాకుండా రామ్ చరణ్ డైలాగ్ మాడ్యులేషన్ మెయిన్ గా లాస్ట్ డైలాగ్ అదిరిపోతోంది అని టాక్.
మొత్తానికి మాత్రం బుచ్చిబాబు సాలిడ్ కట్ ని తీసుకురాబోతున్నట్టు సినీ వర్గాల్లో టాక్ నడుస్తోంది. మరి ఈ అవైటెడ్ గ్లింప్స్ ఎలా ఉంటుందో చూడాల్సిందే. ఇక ఈ చిత్రానికి ఏ ఆర్ రెహమాన్ సంగీతం అందిస్తున్నారు అలాగే వృద్ధి సినిమాస్ వారు నిర్మాణం వహిస్తున్న సంగతి తెలిసిందే.