సీనియర్ హీరోయిన్ ఇలియానా ప్రస్తుతం సినీ రంగానికి దూరంగా ఉంది. పైగా ఇప్పటికే, 2023లో పండంటి బాబుకు జన్మనిచ్చింది. కాగా.. ఇలాయానా మళ్లీ తల్లి కాబోతోందని వార్తలు వైరల్ అయ్యాయి. ఆమె ఓ టెస్ట్ కిట్ వీడియోను పోస్ట్ చేయడంతో ఈ రూమర్స్ బాగా వినిపించాయి.
ఐతే, తాజాగా ఈ రూమర్స్ కి ఇలియానా చెక్ పెట్టింది. నిజంగానే ఇప్పుడు తాను గర్భవతి అని, మరోసారి తాను తల్లి కాబోతునట్లు ఇలియానా సోషల్ మీడియా వేదికగా మొత్తానికి క్లారిటీ ఇచ్చింది. కాగా ఈ సందర్భంగా ఇలియానా తన పోస్ట్ లో పఫ్ కార్న్ స్నాక్స్, యాంటాసిడ్ చుయింగమ్ ప్యాకెట్స్ ను కూడా తన ఇన్ స్టా స్టోరీలో పోస్ట్ చేసింది.
ఏది ఏమైనా ఇలియానా ఒకానొక సమయంలో టాలీవుడ్ ప్రేక్షకులను ఉర్రుతలూగించి అలరించింది. తెలుగులో దేవదాసు సినిమాతో హీరోయిన్ గా పరిచయం అయింది. పైగా తొలి సినిమాతోనే అద్భుత విజయాన్ని అందుకుంది. ఆ తర్వాత ఈ అమ్మడికి తెలుగులో వరుస అవకాశాలు వచ్చాయి. చాలా కాలం పాటు టాప్ హీరోయిన్ గా కొనసాగింది.