టాలీవుడ్ దర్శకుడు గోపీచంద్ మలినేని డైరెక్ట్ చేసిన బాలీవుడ్ మూవీ ‘జాట్’ ఇటీవల రిలీజ్ అయ్యి బాక్సాఫీస్ దగ్గర సందడి చేస్తుంది. ఈ సినిమాలో బాలీవుడ్ యాక్షన్ హీరో సన్నీ డియోల్ తనదైన మాస్ పర్ఫార్మెన్స్తో ప్రేక్షకులను ఆకట్టుకునే ప్రయత్నం చేశాడు.
ఇక ఈ సినిమా తొలి వారంలోనే సాలిడ్ వసూళ్లు రాబట్టడంతో ఈ చిత్రం ఉత్తరాదిన మంచి రన్ వైపు వెళ్తోంది. అయితే, ఈ సినిమాలోని ఓ సెన్సిటివ్ సీన్ ఉందని ఓ మతం వారు అభ్యంతరం వ్యక్తం చేశారు. దీంతో వారు ఈ సినిమా యూనిట్పై తీవ్రంగా మండిపడ్డారు. అయితే, తాజాగా ఈ వివాదంపై చిత్ర యూనిట్ ఓ క్లారిటీ ఇచ్చింది.
కొంతమంది మనోభావాలు దెబ్బతిన్నాయని వార్తలు రావడంతో తాము చింతిస్తున్నామని.. వారిని ఇబ్బంది పెట్టే సన్నివేశాలను తొలగిస్తున్నామని చిత్ర యూనిట్ ప్రకటించింది. కొంతమంది మనోభావాలు దెబ్బతీసేలా తమ సినిమా ఉందని తెలియడంతో తాము క్షమాపణలు తెలుపుతున్నట్లు చిత్ర యూనిట్ పేర్కొంది.