పవర్‌ స్టార్‌ పవన్‌ కల్యాణ్‌ నిన్నటి వరకు కూడా వరుస సినిమాలతో ఫుల్‌ బిజీగా ఉన్నాడు. ప్రస్తుతం రాజకీయాల్లో ఎన్నికల్లో ప్రచారంలో బిజీగా ఉన్నాడు. ఏపీలో మరో పది రోజుల్లో ఎన్నికలు జరగనున్న తరుణంలో ఆయన క్షణం తీరిక లేకుండా ప్రచారం చేస్తున్నారు. మరో పక్క ఆయన నటిస్తున్న మోస్ట్ అవైటెడ్ మూవీ హరిహర వీరమల్లు నుంచి తాజాగా టీజర్ విడుదలైంది.
గత కొంతకాలంగా ఈ సినిమా షూటింగ్ వాయిదా పడుతూ వస్తుంది.. సినిమా నుంచి అప్డేట్స్ కోసం ఫ్యాన్స్ ఎదురు చూస్తున్నారు. బుధవారం విడుదల అయిన టీజర్ సినిమాపై భారీ అంచనాలను ఏర్పడేలా చేసింది. టీజర్ ను చూసిన ఫ్యాన్స్ లో మళ్లీ జోష్ మొదలైంది. అంతేకాదు సినిమా పై మరో క్లారిటీ వచ్చేసింది. టీజర్ లోనే సినిమా విడుదల తేదీ పై ఒక క్లారిటీ అయితే వచ్చేసింది.
సోషల్ మీడియాలో వీరమల్లు మూవీ వచ్చేది ఈ తేదీకే అంటూ కొన్ని పోస్టులు కూడా దర్శనం ఇస్తున్నాయి. ఈ ఏడాది డిసెంబర్ 20 న విడుదల కాబోతుందని ఓ వార్త చక్కర్లు కొడుతుంది.
క్రిష్‌ ఈ సినిమా నుంచి తప్పుకోవడంతో కొత్త డైరెక్టర్ కూడా వచ్చేశాడు.. దీనిపై సోషల్ మీడియాలో పెద్ద ఎత్తున ప్రచారం కూడా జరిగింది. మొత్తానికి టీమ్ క్లారిటీ ఇవ్వడంతో ఫ్యాన్స్ అయితే కూల్‌ అయ్యారు. ఇక ఈ సినిమాకు కీరవాణి సంగీతం అందిస్తున్నారు. నిధి అగర్వాల్ హీరోయిన్‌గా నటిస్తుంది. బాబీ డియోల్ విలన్ పాత్ర పోషిస్తున్నారు.