మలయాళ స్టార్ హీరో దుల్కర్ సల్మాన్ ప్రస్తుతం వరుస సినిమాలతో ఫుల్ బిజీగా ఉన్నాడు. అందులో భాగంగా తెలుగులో కూడా మంచి గుర్తింపు తెచ్చుకున్న దుల్కర్.. ఇప్పుడు పాన్ ఇండియా స్థాయిలో తెరకెక్కుతున్న కొన్ని ఇంట్రెస్టింగ్ ప్రాజెక్ట్స్లో నటిస్తున్నాడు. ఇప్పటికే ఆయన నటిస్తున్న ‘కాంత’ అనే చిత్రం మీద మంచి అంచనాలున్నాయి. అలాగే మరో సినిమా ‘ఆకాశంలో ఒక తార’ కూడా టాలీవుడ్ ప్రేక్షకుల దృష్టిని ఆకర్షిస్తోంది.
తాజాగా ఈ ‘ఆకాశంలో ఒక తార’ సినిమాకు సంబంధించిన ఆసక్తికరమైన అప్డేట్ ఒకటి బయటకు వచ్చింది. ఈ చిత్రానికి మ్యూజిక్ అందించేందుకు యువ సంగీత దర్శకుడు జి.వి. ప్రకాష్ కుమార్ ముందుకొచ్చాడు. ఇటీవల ఆయన పుట్టినరోజు సందర్భంగా ఈ విషయాన్ని అధికారికంగా తెలియజేశారు. ఇప్పటికే జి.వి. ప్రకాష్ మరియు దుల్కర్ కలిసి చేసిన ‘లక్కీ భాస్కర్’ మూవీకి సంగీతం మంచి పేరొందిన విషయం తెలిసిందే. ఆ కాంబినేషన్ మరోసారి తెరపై కనిపించబోతుండటంతో, అభిమానుల్లో భారీ అంచనాలు నెలకొన్నాయి.
ఈ సినిమాకి పవన్ సాధినేని దర్శకత్వం వహిస్తున్నాడు. గీతా ఆర్ట్స్ మరియు స్వప్న సినిమాస్ సంస్థలు కలిసి ఈ సినిమాను నిర్మిస్తున్నాయి. కథ పరంగా ఫీల్గుడ్ ఎమోషన్స్తో పాటు కొత్తదనాన్ని అందించనున్న ఈ సినిమాలో, సాత్విక వీరవల్లి అనే కొత్త అమ్మాయి హీరోయిన్గా ఎంట్రీ ఇవ్వబోతుంది.
ఇక జి.వి. ప్రకాష్ సంగీతం, దుల్కర్ నటన కలిసొస్తే.. ‘ఆకాశంలో ఒక తార’ అనే టైటిల్కు తగ్గట్టుగా ఈ సినిమా ప్రేక్షకుల హృదయాల్లో నిలవడం ఖాయమని చిత్రబృందం నమ్మకంగా చెబుతోంది. మరి ఈ కాంబినేషన్ ఎలాంటి మ్యాజిక్ క్రియేట్ చేస్తుందో చూడాలి.