టాలీవుడ్ యంగ్ హీరో నితిన్ ఈసారి “తమ్ముడు” అనే సినిమాతో ప్రేక్షకుల ముందుకు రాబోతున్నాడు. ఈ సినిమాలో వర్ష బొల్లమ్మ, సప్తమి గౌడలు హీరోయిన్స్గా నటిస్తున్నారు. దర్శకుడు వేణు శ్రీరామ్ రూపొందించిన ఈ చిత్రం, భావోద్వేగాలతో కూడిన ఒక కొత్త కాన్సెప్ట్ తో తెరకెక్కుతోంది. ఇటీవల విడుదలైన ట్రైలర్ చూస్తే, కథలో ఓ డీప్ ఎమోషన్ ఉందని స్పష్టంగా కనిపిస్తోంది.
ఇప్పటికే ఈ సినిమాపై ఆసక్తికరమైన బజ్ నెలకొంది. ఈ నేపథ్యంలో తాజాగా చిత్రబృందం విడుదల చేసిన ఫస్ట్ సాంగ్ మరింత హైప్ క్రియేట్ చేస్తోంది. ఈ పాటను విన్నవెంటనే హృదయాన్ని తాకుతుంది. కథ ప్రకారం, నితిన్ తన అక్క పిల్లతో గడిపే మధురమైన క్షణాల మధ్య సాగే ఈ పాట, సాఫ్ట్ బీట్స్తో ఆకట్టుకుంటోంది. చిన్నారిని ఒదిలించడానికి ప్రయత్నిస్తున్న సన్నివేశాన్ని ఈ పాట ద్వారా సున్నితంగా చూపించారు.
సంగీత దర్శకుడు అజనీష్ ఇప్పుడు ట్రైలర్కే కాదు, ఈ పాటకూ తన ప్రత్యేకమైన టచ్ ఇచ్చాడు. మెలోడి, భావోద్వేగం రెండూ కలిపి సంగీతాన్ని రూపొందించాడు. సంగీతం మాత్రమే కాదు, పాట రాయబడిన మాటలు కూడా తేలికగా, భావనలతో నిండుగా ఉన్నాయి. అందుకే ఈ పాట ప్రతి ఒక్కరినీ కనెక్ట్ చేస్తోంది.
తమ్ముడు సినిమా నిర్మాణ బాధ్యతలు దిల్ రాజు తీసుకోగా, ఈ సినిమా జూలై 4న థియేటర్లలో విడుదల కానుంది. పాటతో మొదలైన ఈ జర్నీ ప్రేక్షకులను థియేటర్ల వరకు రప్పించేలా అనిపిస్తోంది.