ప్రభాస్ కథానాయకుడిగా, నిధి అగర్వాల్ మరియు మాళవిక మోహనన్ కథానాయికలుగా మారుతీ తెరకెక్కిస్తున్న చిత్రం ది రాజా సాబ్ మీద కొంతకాలంగా ప్రేక్షకుల్లో ఆసక్తి కొనసాగుతూనే ఉంది. హారర్తో పాటు రొమాన్స్ కూడా మిక్స్ అయిన ఎంటర్టైనర్గా ఈ సినిమాను రూపొందిస్తున్నారని సమాచారం.
ఈ సినిమాకి సంబంధించి మే నెల మధ్యలో ఒక అప్డేట్ ఇవ్వబోతున్నట్టు దర్శకుడు మారుతీ స్వయంగా వెల్లడించినా, ఆ విషయంపై ఇంకా ఎలాంటి స్పష్టత రాలేదట. ఈ విషయం తెలుసుకున్న ఫ్యాన్స్ కొద్దిగా నిరుత్సాహానికి లోనవుతున్నారు. ఎందుకంటే సినిమా గురించి కొన్ని రోజులుగా ఏదైనా న్యూస్ వస్తుందన్న అంచనాలు పెరిగిపోతున్నా, ఎటువంటి అధికారిక సమాచారం మాత్రం అందడంలేదు.
ఇప్పటికే ఈ సినిమాకి సంబంధించి టీజర్ ఎప్పుడొస్తుందా, రిలీజ్ డేట్ ఏంటనే దానిపై అభిమానులు ఎదురుచూస్తున్నారు. కానీ ఇప్పటి వరకు ఏ విషయంపైనా క్లారిటీ రాకపోవడం వలన ప్రేక్షకుల్లో ఒక అనుమానాన్ని పెంచుతోంది.
ఈ సినిమాలోకి థమన్ మ్యూజిక్ అందిస్తుండగా, పీపుల్ మీడియా ఫ్యాక్టరీ నిర్మాణ బాధ్యతలు చేపట్టింది. ప్రభాస్ అభిమానులు మాత్రం ఏదైనా అప్డేట్ త్వరగా వస్తే బాగుంటుందని ఆశిస్తున్నారు. మరి దానిపై ఎప్పుడు అధికారిక ప్రకటన వస్తుందో చూడాలి.