మిడ్ రేంజ్ హీరోలలో నేచురల్ స్టార్ నాని ప్రస్తుతం ఫుల్‌ బిజీగా ఉన్న సంగతి తెలిసిందే. వరుస సినిమాలుతో జెట్ స్పీడ్ లో ముందుకు దూసుకెళుతున్నాడు. ప్రస్తుతం నాని నటిస్తున్న సినిమా సరిపోదా శనివారం. ఈ సినిమా ప్రమోషన్స్ లో నాని ఫుల్‌ బిజీబిజీగా ఉన్నాడు. పాన్ ఇండియా భాషలలో తెరకెక్కింది ఈ సరిపోదా శనివారం సినిమా.
ఇటీవల చెన్నై ప్రమోషన్స్ లో భాగంగా ఈ సినిమా తమిళ ట్రైలర్ ను విడుదల చేశాడు ఈ యంగ్‌ టాలెంటెడ్‌ స్టార్ హీరో నాని. అటు కేరళలోని ఓ ఈవెంట్ లో మళయాళ ట్రైలర్ ను విడుదల చేసాడు . నాని కెరీర్ లోనే అత్యంత భారీ బడ్జెట్ లో తెరకెక్కిన సినిమా సరిపోదా శనివారం. ఈ మూవీ ట్రైలర్ కు విశేష స్పందన లభించింది. కాగా సరిపోదా శనివారం ప్రీ రిలీజ్ ఈవెంట్ ను భారీ స్థాయిలో నిర్వహించనున్నారు చిత్ర బృందం. ఈ నెల 24న హైదరాబాద్ లోని నోవాటెల్ లో సాయంత్రం 6: 00 గంటలకు నిర్వహించనున్నట్టు అఫీషియల్ పోస్టర్ ని మూవీ టీమ్‌ విడుదల చేసింది.
వారంలో కేవలం శనివారం మాత్రమే విలన్స్ ను వేటాడే హీరో చుట్టూ తిరిగే కథాంశం నేపథ్యంలో ఈ సినిమా రానుంది. వివేక్ ఆత్రేయ డైరెక్షన్‌ లో తెరకెక్కిన ఈ సినిమా ఈ నెల 29న వరల్డ్ వైడ్ గా థియేటర్లలో విడుదల కానుంది. తమిళ నటుడు ఎస్‌జే సూర్య ఈ సినిమాలో విలన్ పాత్ర పోషిస్తుండగా తమిళ పొన్ను ప్రియాంక అరుళ్ మోహన్ నానికి జోడిగా నటిస్తుంది.