తమిళ స్టార్ హీరో సూర్య రీసెంట్‌గా ‘కంగువా’ మూవీతో ప్రేక్షకుల ముందకు వచ్చిన సంగతి తెలిసిందే. ఈ సినిమాను డైరెక్టర్‌ శివ అత్యంత భారీ బడ్జెట్‌ తో తెరకెక్కించాడు . అయితే, ఈ సినిమా అనుకున్న స్థాయిలో విజయాన్ని తన ఖాతాలో వేసుకోలేదు. దీంతో ప్రేక్షకులు తీవ్ర నిరాశకు గురయ్యారు. ఇక ఈ సినిమా తరువాత సూర్య ప్రస్తుతం తన తరువాత సినిమా లపై ఫోకస్ పెట్టాడు.
ఇప్పటికే దర్శకుడు కార్తీక్ సుబ్బరాజ్ డైరెక్షన్‌ లో సూర్య తన కెరీర్‌లోని 44వ చిత్రాన్ని రూపొందిస్తున్నాడు. ఇక రీసెంట్‌గా ఆర్.బాలాజీ డైరెక్షన్‌లో సూర్య తన 45వ చిత్రాన్ని మొదలు పెట్టాడు. అయితే, ఈ సినిమాకు సంబంధించి ఇప్పుడు ఓ తాజా వార్త సినీ సర్కిల్స్‌లో జోరుగా వినపడుతుంది. ఈ సినిమా కథ తెలుగులో మాస్ మహారాజ్ రవితేజ నటించిన ‘వీర’ చిత్రానికి చాలా దగ్గరగా ఉంటుందని సమాచారం.
దీంతో సూర్య చేయబోయేది ఓ ఫ్లాప్ మూవీ రీమేక్ కథనా… అంటూ సినీ సర్కిల్స్‌లో చర్చ నడుస్తుంది. మరి ఈ విషయంపై మేకర్స్ ఎలాంటి క్లారిటీ ఇస్తారో వేచి చూడాలి.