టాలీవుడ్ బ్యూటీ హెబ్బా ప‌టేల్ ప్ర‌స్తుతం వ‌రుస‌బెట్టి సినిమాలు చేస్తూ ఫుల్‌ బిజీబిజీగా గడుపుతున్న సంగతి తెలిసిందే. ఆమె న‌టిస్తున్న తాజా సినిమా ”ధూం ధాం” ప్రేక్ష‌కుల్లో మంచి పాజిటివ్ వైబ్స్ క్రియేట్ చేసిన సంగతి తెలిసిందే. ఈ సినిమా నుంచి విడుదలైన పోస్ట‌ర్స్, సాంగ్స్ ప్రేక్ష‌కుల‌ను ఆక‌ట్టుకోవ‌డంలో ఫుల్‌ స‌క్సెస్ అయ్యాయి.
ఇక ఈ సినిమా నుంచి తాజాగా మ‌రో అప్డేట్ ఇచ్చింది చిత్ర బృందం. ఈ సినిమాలోని నెక్ట్స్ సింగిల్ సాంగ్ ‘కుందనాల బొమ్మ’ను ద‌ర్శ‌కేంద్రుడు కె.రాఘ‌వేంద్ర రావు చేతులు మీదుగా లాంచ్ చేయబోతున్నారు. ఈ పాట‌ను ఆగ‌స్టు 7న ఉద‌యం 10.45 గంట‌ల‌కు విడుదల చేయబోతున్నట్లు సమాచారం.
ఈ సినిమాలో చేత‌న్ కృష్ణ హీరోగా చేస్తుండగా సాయి కుమార్, వెన్నెల కిషోర్, విన‌య్ వ‌ర్మ ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాకు గోపీసుంద‌ర్ సంగీతం అందిస్తుండ‌గా ఎం.ఎస్.రామ్ కుమార్ ప్రొడ్యూస్ చేస్తున్నారు. ఈ సినిమాని మ‌చ్చ‌సాయి కిషోర్ డైరెక్ట్ చేస్తున్న సంగతి తెలిసిందే.