గాడ్ ఆఫ్ మాసెస్ నందమూరి బాలకృష్ణ నటిస్తున్న తాజా సినిమా ‘డాకు మహారాజ్’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసుకుంది. ఈ సినిమాను డైరెక్టర్‌ బాబీ తెరకెక్కిస్తుండగా పూర్తి యాక్షన్ ఎంటర్‌టైనర్‌గా ఈ సినిమాతో బాలయ్య బాక్సాఫీస్ దగ్గర సెన్సేషన్ క్రియేట్ చేసేందుకు సిద్దంగా ఉన్నాడు. ఇక ఈ సినిమా నుండి ఇప్పటివరకు విడుదలైన కంటెంట్ కూడా ఈ సినిమాపై భారీ అంచనాలను క్రియేట్ చేశాయి.
అయితే, ఈ సినిమాను వరల్డ్‌వైడ్‌గా సంక్రాంతి కానుకగా గ్రాండ్ స్కేల్‌గా విడుదల చేసేందుకు మేకర్స్ ప్లాన్ చేస్తున్నారు. ఈ సినిమాపై ఓవర్సీస్ ఆడియెన్స్‌లోనూ భారీ హైప్ అయితే క్రియేట్ అయ్యింది. ఇక ఓవర్సీస్ అభిమానుల కోసం సినిమా బృందం ఈ మూవీ టికెట్ బుకింగ్స్‌ను ఓపెన్ చేయబోతున్నట్లు తెలిపింది.
డిసెంబర్ 20 నుండి ఈ చిత్రానికి సంబంధించిన ఆన్‌లైన్ టికెట్ బుకింగ్స్ ఓపెన్ అవుతుండటంతో అభిమానులు ఈ చిత్రాన్ని తొలిరోజే చూసేందుకు ఆసక్తి చూపిస్తున్నారు.ఈ సినిమాలో ప్రగ్యా జైస్వాల్, శ్రద్ధా శ్రీనాథ్, చాందిని చౌదరి, బాబీ డియోల్ ముఖ్య పాత్రల్లో యాక్ట్‌ చేస్తున్నారు. థమన్ సంగీతం అందిస్తున్న ఈ చిత్రాన్ని నాగవంశీ, సాయి సౌజన్య సంయుక్తంగా ప్రొడ్యూస్ చేస్తున్నారు.