తెలుగులో కేజీఎఫ్‌ సిరీస్‌ తో బిగ్గెస్ట్‌ విజయాలను అందుకున్న దర్శకుడు ప్రశాంత్ నీల్. పోయిన సంవత్సరం సలార్ సినిమాతో బిగ్గెస్ట్‌ పాన్ ఇండియా హిట్‌ ను ఖాతాలో వేసుకున్నాడు. నీల్ తెరకెక్కించిన ఆ మూడు సినిమాలు బాక్సాఫీస్ వద్ద కలెక్షన్ల వర్షం కురిపించాయి. ప్రస్తుతం ప్రశాంత్ నీల్ పాన్ ఇండియా స్టార్ ప్రభాస్‌తో “సలార్ 2 : శౌర్యంగ పర్వం”సినిమాను తీర్చిదిద్దుతున్నాడు.
అయితే ఈ సినిమా తరువాత ప్రశాంత్ నీల్ యంగ్‌ టైగర్‌ ఎన్టీఆర్‌తో ఓ సినిమా చేస్తున్న విషయం తెలిసిందే.అయితే ఆ సినిమా ఎన్టీఆర్ 31 వ సినిమాగా తెరకెక్కుతుంది.ఇప్పటికే ఈ సినిమాకు సంబంధించి పోస్టర్ ను చిత్రబృందం విడుదల చేయగా ప్రేక్షకుల నుంచి మంచి స్పందన లభించింది. అయితే ఈ సినిమా షూటింగ్ ఎప్పుడు మొదలవుతుందా అని తారక్‌ అభిమానులు ఎంతగానో ఎదురు చూస్తున్నారు.
ఇదిలా ఉంటే తాజాగా ఈ సినిమా షూటింగ్ సంబంధించి ఇంట్రెస్టింగ్ న్యూస్ సోషల్ మీడియాలో వైరల్ అవుతుంది.ఈ క్రేజీ మూవీని ఈ ఏడాది సెప్టెంబర్ నుంచి దర్శకుడు ప్రశాంత్ సెట్స్ పైకి తీసుకెళ్లనున్నట్లు సమాచారం. ప్రశాంత్ నీల్ ప్రస్తుతం సలార్ 2 మూవీకి సంబంధించిన పనుల్లో బిజీ గా వున్నారు. ఈ చిత్ర షూటింగ్ పూర్తి అయిన తరువాత ఎన్టీఆర్ సినిమా సెట్స్ పైకి తీసుకురానున్నట్లు సమాచారం.
అయితే ఎన్టీఆర్ సినిమాను కూడా ప్రశాంత్ నీల్ రెండు భాగాలుగా ప్లాన్ చేస్తున్నట్లు సమాచారం.అయితే ఈ విషయంపై చిత్ర యూనిట్ అధికారిక ప్రకటన చేయాలి.ఇప్పటికే ఎన్టీఆర్ నటిస్తున్న దేవర సినిమా రెండు పార్ట్స్ గా తెరకెక్కుత్తుంది.మొదటి పార్ట్ అక్టోబర్ 10 న దసరా కానుకగా రిలీజ్ కానుంది.