ఫౌజీలో బాలీవుడ్ హీరో! పాన్ ఇండియా స్టార్ ప్రభాస్ ప్రస్తుతం వరుస చిత్రాలతో బిజీగా ఉన్నాడు. ఇప్పటికే దర్శకుడు మారుతి డైరెక్షన్‌లో ‘ది రాజా సాబ్’ చిత్రంలో నటిస్తున్న ప్రభాస్, మరో డైరెక్టర్ హను రాఘవపూడి డైరెక్షన్‌లో ‘ఫౌజీ’ అనే సినిమాలో కూడా నటిస్తున్నాడు. ఈ రెండు సినిమాలతో ప్రభాస్ ఫుల్ బిజీగా ఉన్నాడు.
అయితే, హను రాఘవపూడి డైరెక్షన్‌లో తెరకెక్కుతున్న ఫౌజీ మూవీపై సినీ సర్కిల్స్‌లో రోజుకో వార్త చక్కర్లు కొడుతోంది. తాజాగా ఈ సినిమాలో ప్రభాస్‌ను ఢీకొట్టే విలన్ పాత్రలో ఓ బాలీవుడ్ యాక్షన్ హీరో నటించబోతున్నాడనే వార్త వినిపిస్తోంది. టాలీవుడ్ దర్శకుడు గోపీచంద్ మలినేని డైరెక్షన్‌లో తెరకెక్కుతున్న ‘జాట్’ మూవీలో హీరోగా నటిస్తున్న సన్నీ డియోల్ ప్రభాస్ ఫౌజీ లో విలన్ పాత్రలో నటించబోతున్నాడట.
అందుకోసం ఫౌజీ మేకర్స్ సన్నీ డియోల్‌ను ఈ పాత్ర కోసం అప్రోచ్ అయినట్లు తెలుస్తోంది. అటు ఆయన సోదరుడు బాబీ డియోల్ ఇప్పటికే టాలీవుడ్‌లో వరుస చిత్రాల్లో నటిస్తూ బిజీగా ఉండటంతో, ఇప్పుడు సన్నీ డియోల్ కూడా టాలీవుడ్ ఎంట్రీకి సిద్ధమవుతున్నట్టు తెలుస్తోంది.