నందమూరి నటసింహం బాలకృష్ణ యంగ్ డైరెక్టర్ బాబీ తో ఓ సినిమా చేస్తున్న విషయం తెలిసిందే. ప్రస్తుతం ఈ సినిమా “NBK 109 ” అనే వర్కింగ్ టైటిల్ తో రూపుదిద్దుకుంటుంది. ఈ సినిమాను చిత్ర బృందం దసరా కానుకగా విడుదల చేయనున్నట్లు సమాచారం. ఇదిలా ఉంటే ఈ సినిమా తరువాత బాలయ్య తనకి ఎంతో ఇష్టమైన డైరెక్టర్ బోయపాటి కాంబో లో అఖండ 2 సినిమాలో చేయనున్నట్లు సమాచారం.
వీరి కాంబినేషన్ లో గతంలో వచ్చిన అఖండ మూవీ బిగ్గెస్ట్ బ్లాక్ బస్టర్ హిట్ అయింది.ఈ సినిమాలో థమన్ బ్యాక్ గ్రౌండ్ మ్యూజిక్ కు సౌండ్ బాక్సులు బద్దలైపోయాయి.ఇదిలా ఉంటే త్వరలోనే అఖండ 2 సెట్స్ పైకి వెళ్తున్నట్లు టాక్‌.
ఇప్పటికే డైరెక్టర్ బోయపాటి స్క్రిప్ట్ కూడా పూర్తి చేసినట్లు సమాచారం. తాజాగా ఈ సినిమాలో బాలయ్యకు సరిసమానమైన ప్రతినాయకుని వేట మొదలు పెట్టిన బోయపాటి బాలీవుడ్ స్టార్ సంజయ్ దత్ ను ఫిక్స్ చేసినట్లు తెలుస్తుంది. త్వరలోనే ఏఈ సినిమాపై అధికారిక ప్రకటన రానున్నట్లు సమాచారం.