బాలయ్య హోస్ట్ గా వ్యవహరిస్తున్న ‘అన్ స్టాపబుల్ సీజన్ 4’ ఆహాలో భారీ వ్యూస్ తో దూసుకుపోతుంది. ఈ సీజన్ లో ఇప్పటికే పలు ఎపిసోడ్స్ స్ట్రీమింగ్ అవ్వగా.. వాటిలో అల్లు అర్జున్ ఎపిసోడ్ మాత్రం మిలియన్ వ్యూస్ తో రికార్డులు అందుకుంది. ఈ ఎపిసోడ్ లో అల్లు అర్జున్ ఫ్యామిలీతో సహా వచ్చి ఎన్నో విషయాలు బాలయ్యతో పంచుకున్నారు. ఇక బన్నీ తర్వాత రీసెంట్ గా నవీన్ పోలిశెట్టి, శ్రీలీల నవ్వులు పూయించారు.
ఇక నెక్ట్స్ ఎపిసోడ్ లో మాత్రం ఓ సీనియర్ స్టార్ హీరో సందడి చేయనున్నట్లు తెలుస్తుంది. ఆయన మరెవరో కాదు మన వెంకీమామే. విక్టరీ వెంకటేష్ ప్రస్తుతం ‘సంక్రాంతికి వస్తున్నాం’ అనే సినిమాలో యాక్ట్‌ చేస్తున్న విషయం తెలిసిందే. జనవరి 14 న ఈ సినిమా విడుదల కాబోతుంది. ఈ సినిమా ప్రచారంలో భాగంగా వెంకీ అన్ స్టాపబుల్ సెట్స్ లో అడుగుపెడుతున్నారు.
ఆయనతో పాటు డైరెక్టర్ అనిల్ రావిపూడి కూడా హాజరు కాబోతున్నారని తెలుస్తుంది. వీళ్ళిద్దరూ ఈ ఎపిసోడ్ లో బాలయ్య తో కలిసి ‘సంక్రాంతికి వస్తున్నాం’ విశేషాలు పంచుకోనున్నట్లు సమాచారం. ఈ ఎపిసోడ్ ను ఈ నెల 22న షూట్ చేయబోతున్నారని సమాచారం. బాలయ్య, వెంకీ ఇద్దరూ కలిస్తే ఆ హంగామానే వేరు. అలాంటిది వాళ్ళిద్దరికి అనిల్ రావిపూడి తోడైతే నెక్స్ట్ లెవెల్ ఫన్ గ్యారెంటీ అని తెలుస్తుంది.