పాన్ ఇండియా స్టార్ ప్రభాస్ ప్రస్తుతం వరుసగా సినిమాలను లైన్‌లో పెడుతూ అభిమానుల్లో భారీ అంచనాలను పెంచేస్తున్నాడు. ఇప్పటికే ఆయన నటిస్తున్న ‘ది రాజా సాబ్’ షూటింగ్ ముగింపు దశకు చేరింది. ఈ సినిమాతో పాటు ఆయన మరో సినిమా ‘ఫౌజీ’ కూడా రెడీ గా పెడుతున్నాడు.
ఈ సినిమాను డైరెక్టర్‌ హను రాఘవపూడి డైరెక్ట్ చేస్తున్నాడు. ఇక ఈ రెండు సినిమాల తర్వాత డైరెక్టర్‌ సందీప్ రెడ్డి వంగ డైరెక్షన్‌ లో ప్రభాస్ ‘స్పిరిట్’ సినిమాను ప్రారంభించాలని అనుకుంటున్నాడు. అయితే, ఇప్పుడు ఈ సినిమా కోసం సందీప్ ఇంకొంత కాలం వెయిట్ చేసేటట్టే ఉంది.
ప్రభాస్ ఇప్పటికే ‘సలార్-2’ సినిమా చేయాల్సి ఉంది. ఇక ఈ సినిమాతో పాటు ‘కల్కి 2898 ఎడి’ సీక్వెల్ కూడా చేయాలి. అయితే, ఇప్పుడు ‘కల్కి’ మేకర్స్ నుంచి ప్రభాస్‌పై ఒత్తిడి వస్తుందని.. త్వరలో సీక్వెల్ చిత్రాన్ని ప్రారంభించి, 2026లో ఈ సినిమాను విడుదల చేయాలని చిత్ర యూనిట్ అనుకుంటుందంట.
ఈ లెక్కన ప్రభాస్ ‘కల్కి’ సీక్వెల్ మూవీకే ఓటేస్తే, సందీప్ రెడ్డి వంగ మరికొంత కాలం వెయిట్ చేయాల్సిందే అని సినీ సర్కిల్స్‌లో టాక్ వినపడుతుంది. మరి ఈ వార్తల్లో ఎంతవరకు నిజం ఉందో.. ప్రభాస్ ‘స్పిరిట్’ చిత్రాన్ని ఎప్పుడు ప్రారంభిస్తాడా అనేది మాత్రం సస్పెన్సే.