టాలీవుడ్ నటిగా తనకంటూ ప్రత్యేక గుర్తింపు సంపాదించుకున్న అనుష్క శెట్టి ప్రధాన పాత్రలో తెరకెక్కిన చిత్రం ఘాటి. ఈ సినిమాకు సంబంధించి ఎన్నో రోజులుగా రిలీజ్పై స్పష్టత లేకుండా ఉండిపోయింది. క్రైమ్ యాక్షన్ థ్రిల్లర్ నేపథ్యంలో రూపొందిన ఈ చిత్రాన్ని దర్శకుడు క్రిష్ జాగర్లమూడి తెరకెక్కించగా, పలు కారణాలతో విడుదల వాయిదా పడుతూ వస్తోంది.
ఇప్పుడు తాజాగా ఈ సినిమా విడుదలపై మరోసారి చర్చ మొదలైంది. మొదటగా సెప్టెంబర్ 5న థియేటర్లలోకి తీసుకురావాలనే ఆలోచనతో చిత్రబృందం ఉన్నప్పటికీ, అదే రోజున కొన్ని ఇతర సినిమాలు విడుదల కావడంతో పోటీని తప్పించుకునేందుకు మరో డేట్ కోసం వెతుకుతున్నారట. అందువల్ల ఈ సినిమాను అక్టోబర్ లేదా నవంబర్ లేదా డిసెంబర్లో ఖాళీగా ఉన్న విండోను బట్టి రిలీజ్ చేసే అవకాశాలు ఉన్నాయని సమాచారం.
ఇక ఈ సినిమాపై అనుష్క అభిమానులు ఎంతగానో ఎదురుచూస్తున్నారు. ఆమె అందించే పాత్ర కూడా అంతే ఇంపాక్ట్ కలిగించేలా ఉంటుందని సమాచారం. ఘాటిగా ఉండే కథనంతో పాటు అనుష్క పర్ఫార్మెన్స్ ఈ సినిమాకు ప్రధాన ఆకర్షణగా నిలుస్తుందని టీమ్ విశ్వాసంతో ఉంది.
యూవి క్రియేషన్స్ నిర్మిస్తున్న ఈ సినిమాపై భారీ అంచనాలు నెలకొన్నాయి. అయితే ఇంకా అధికారికంగా రిలీజ్ డేట్పై ప్రకటన వెలువడలేదు. త్వరలోనే విడుదల తేదీపై క్లారిటీ రానుంది అనే ఊహాగానాలు వినిపిస్తున్నాయి.