ప్రశాంత్ నీల్, ఎన్టీఆర్ కలయికలో వస్తున్న భారీ ప్రాజెక్ట్ గురించి ప్రతి రోజూ కొత్త వార్తలు వెలువడుతున్నాయి. తాజాగా అందిన సమాచారం ప్రకారం, జూన్ మూడో వారంలో ఒక ప్రత్యేక సెట్లో కీలక సన్నివేశాల చిత్రీకరణను ప్రారంభించబోతున్నారని చెబుతున్నారు. దీని కోసం ప్రత్యేకంగా ఒక సెట్ని రూపొందించారని తెలిసింది. అందులో భారీ యాక్షన్ సీక్వెన్స్ని తెరకెక్కించనున్నారని సినీ వర్గాల టాక్. ఈ యాక్షన్ ఎపిసోడ్ సినిమాకే ప్రధాన ఆకర్షణగా నిలుస్తుందని అభిప్రాయాలు వినిపిస్తున్నాయి. ఈ సన్నివేశాల్లో ఎన్టీఆర్తో పాటు ప్రకాష్ రాజ్, ఇంకా ఇతర ప్రధాన నటులు కూడా పాల్గొననున్నట్టు తెలిసింది.
ఇక ఈ సినిమా టైటిల్ ‘డ్రాగన్’గా ఉండొచ్చని సినిమా వర్గాల్లో చర్చ జరుగుతోంది. ఈ ప్రాజెక్ట్ను ఎన్టీఆర్ కెరీర్లో ఒక పెద్ద మైలురాయిగా నిలిపేయాలని ప్రశాంత్ నీల్ లక్ష్యంగా పెట్టుకున్నాడు అని ఫిలిం సర్కిల్స్లో ప్రచారం జరుగుతోంది. అందుకే స్క్రిప్ట్పై చాలా కాలం కసరత్తు చేసినట్టు సమాచారం. ప్రశాంత్ నీల్ ఇప్పటివరకు చేసిన సినిమాల కన్నా ఈ చిత్రం ఎక్కువ స్థాయి అంచనాలను తీసుకురావచ్చని అభిమానులు భావిస్తున్నారు. ఈ ప్రాజెక్ట్ను మైత్రీ మూవీ మేకర్స్, ఎన్టీఆర్ ఆర్ట్స్ కలిసి నిర్మిస్తున్నాయి. సినిమాకు రవి బస్రూర్ సంగీతం అందించనున్నారు.
ఇక మొత్తానికి చూస్తే, ఈ యాక్షన్ ఎంటర్టైనర్పై భారీ అంచనాలు ఏర్పడుతున్నాయి. షూటింగ్ షురూ అవుతున్న దశలోనే ఈ స్థాయి అప్డేట్స్ బయటకు రావడం సినిమా పై క్రేజ్ ఎంత ఉందో చెప్పకనే చెబుతోంది.