బాహుబలి సినిమా తరువాత జాతీయ నటుడిగా మారిపోయాడు ప్రభాస్. దీంతో అన్ని పాన్ ఇండియా తరహా సినిమాలే చేస్తూ వస్తున్నాడు యంగ్ రెబల్ స్టార్. ఇటీవల ప్రభాస్ నటించిన కల్కి ఎంతటి ఘన విజయాన్ని అందుకుందో అందరికీ తెలిసిన విషయమే. తాజాగా ఆ సినిమా థియేటర్లలో 50 రోజులు పూర్తి చేసుకుంది. ప్రస్తుతం చేతినిండా సినిమాలతో ఫుల్‌ బిజీగా ఉన్నాడు ప్రభాస్.
మారుతి డైరెక్షన్‌ లో రూపుదిద్దుకుంటోన్న చిత్రం ‘ది రాజా సాబ్’ లో నటిస్తున్న సంగతి తెలిసిందే. ఈ చిత్రం హార్రర్‌, కామెడీ, రొమాంటిక్ సినిమాగా రానుంది. ఈ చిత్రంలో ప్రభాస్ సరసన నిధి అగర్వాల్, మాళవిక మోహనన్, రిధిలు హీరోయిన్లుగా నటిస్తున్న చిత్ర బృందం ఎప్పుడో ప్రకటించిన సంగతి తెలిసిందే. బాలీవుడ్ నటుడు సంజయ్ దత్ విలన్‌గా నటిస్తున్నారు. ఇప్పటికే ఈ చిత్రం నుంచి విడుదల అయిన పోస్టర్స్, గ్లింప్స్ సినిమాపై భారీ అంచనాలను ఏర్పరచుతున్నాయి.
ఇక రెబల్ స్టార్ ఫ్యాన్స్ ఈ సినిమా నుంచి తాజాగా వచ్చిన గ్లింప్స్ చూసి ప్రభాస్ ను మళ్లీ వింటేజ్ లో చూసినట్టు ఉందని.. మిర్చి తరువాత మళ్లీ లవర్ బాయ్ గా కనిపించనున్నాడని ఫుల్‌ ఖుషీ అవుతున్నారు. ప్రస్తుతం ఈ సినిమా చిత్రీకరణ హైదరాబాద్ లో జరుగుతుంది. ఈ షెడ్యూల్ లో ప్రభాస్ కు సంబంధించిన సీన్స్ చిత్రీకరిస్తున్నారు. ప్రభాస్ మార్కెట్ గ్లోబల్ స్థాయికి వెళ్ళాక హార్రర్‌, కామెడీ, రొమాంటిక్ ఎంటర్‌టైనర్‌ తో సినిమా చేస్తూ ట్రేడ్ వర్గాలని షాక్‌ కి గురిచేశాడు.
దర్శకుడు మారుతి ఈ సినిమాను ఏ విధంగా తెరకెక్కిస్తాడో చూడాలి. రాజాసాబ్‌ చిత్రాన్ని 2025 ఏప్రిల్‌ 10న ప్రపంచవ్యాప్తం గా విడుదల చేస్తామని చిత్ర నిర్మాతలైన మీడియా టీజీ విశ్వప్రసాద్, వివేక్ కూచిబొట్ల తెలిపారు.