నందమూరి బాలకృష్ణ, బోయపాటి శ్రీను కాంబినేషన్లో వస్తున్న “అఖండ 2” సినిమాపై అంచనాలు ఆకాశాన్ని అంటుతున్నాయి. బాలయ్య పుట్టినరోజు సందర్భంగా విడుదల చేసిన టీజర్, అందరినీ ఆశ్చర్యపరిచేలా ఎంతో గ్రాండ్గా ప్లాన్ చేసి రిలీజ్ చేశారు. అది చూసిన ప్రేక్షకుల్లో పాన్ ఇండియా స్థాయిలో ఈ సినిమా ఎంతగా హైప్ సృష్టించిందో చెప్పక్కర్లేదు.
టీజర్కు వచ్చిన స్పందనతో ఇప్పుడు ఈ సినిమాకు ఓటీటీ రంగంలోనూ పోటీ మొదలైంది. టాప్ స్ట్రీమింగ్ ప్లాట్ఫామ్స్ ఈ సినిమా డిజిటల్ రైట్స్ కోసం ముందుకొస్తున్నాయనే సమాచారం ఫిల్మ్ సర్కిల్స్లో వినిపిస్తోంది. ఈ నేపథ్యంలో అమెజాన్ ప్రైమ్ వీడియో ఈ సినిమా రైట్స్ కోసం ముందంజలో ఉందంటూ బజ్ నడుస్తోంది. అయితే బాలయ్య ఫ్యాన్స్ మాత్రం ఈ నిర్ణయంపై పూర్తి సంతృప్తిగా లేరు.
వారు చెబుతున్నది ఏమిటంటే, అఖండ 2 వంటి విస్తృత ప్రేక్షకాదరణ ఉన్న సినిమాకు ఎక్కువ రీచ్ కలిగే ప్లాట్ఫామ్ అవసరం అని. అందుకే నెట్ఫ్లిక్స్ వంటి గ్లోబల్ స్థాయి ఓటీటీతో డీల్ కుదిరితే సినిమాకు మరింత ప్రాచుర్యం లభిస్తుందని అభిప్రాయపడుతున్నారు. కానీ చివరికి నిర్మాతలు చూస్తారు మాత్రం వ్యాపార పరంగా లాభం ఏదిలా వస్తుందో అని. దాంతో ఈ డిజిటల్ రైట్స్ ఎవరికి దక్కబోతున్నాయన్నదే ఇప్పుడు హాట్ టాపిక్.
మొత్తానికి అఖండ 2 టీజర్తో మాస్ ఆడియెన్స్తో పాటు ఓటీటీ ప్రపంచాన్నీ ఆకట్టుకుంది. ఇప్పుడు ఈ సినిమా స్ట్రీమింగ్ హక్కులు ఎవరికి దక్కబోతున్నాయో తెలియాల్సి ఉంది.