స్నేహా ఉల్లాల్‌ గురించి తెలుగు సినిమాకు పెద్దగా పరిచయం అక్కర్లేదు. తెలుగు పరిశ్రమ ఐశ్వర్యరాయ్‌ గా గుర్తింపు తెచ్చుకుంది. చేసింది తక్కువ సినిమాలే అయినా..టాలీవుడ్‌ అగ్ర హీరో బాలయ్య బాబు పక్కన ఆడి పాడింది. కానీ ఆ తరువాత సినిమాల్లో కనిపించలేదు.చాలా గ్యాప్ తర్వాత మళ్లీ సినిమాల్లోకి తిరిగి ఎంట్రీ ఇవ్వబోతుంది.
స్నేహా ఈసారి కామెడీ హారర్ మూవీతో ప్రేక్షకుల ముందుకు రాబోతున్నట్లు సమాచారం. ప్రస్తుతం ఈ అమ్మడు భవనమ్ అనే హారర్ కామెడీ సినిమాలో నటిస్తుంది. ఈ సినిమాని సూపర్ హిట్ సినిమాలను అందించిన ప్రముఖ నిర్మాణ సంస్థ సూపర్ గుడ్ ఫిలిమ్స్ తో ప్రేక్షకుల ముందుకు వస్తోంది. ఈ బ్యానర్‌ నుంచి ఇప్పటివరకు వచ్చిన అన్ని సినిమాలు సూపర్ హిట్ టాక్ ను అందుకున్నాయి.
స్నేహ ఉల్లాల్‌తో పాటు టాలీవుడ్‌ టాప్‌ కమెడియన్స్ సప్తగిరి, ధనరాజ్, షకలక శంకర్, అజయ్ ప్రధాన పాత్రల్లో యాక్ట్‌ చేస్తున్నారు. ఈ సస్పెన్స్ థ్రిల్లర్ మూవీని సూపర్ గుడ్ ఫిల్మ్స్ సమర్పణలో ఆర్ బి చౌదరి, వాకాడ అంజన్ కుమార్, వీరేంద్ర కలిసి నిర్మిస్తున్నారు.
తాజాగా ఈ సినిమాకి సంబంధించిన టీజర్, ఫస్ట్ లుక్ పోస్టర్ ను విడుదల చేశారు. టీజర్ సన్నివేశాలు ఒక్కొక్కటి గూస్ బంప్స్ తెప్పిస్తున్నాయి.. ఆ టీజర్ లో చూస్తుంటే టైటిల్ కు తగ్గట్లే పెద్ద భవనం కనిపిస్తుంది. కాసేపు భయపెడుతూనే, నవ్విస్తుంది. ప్రస్తుతం ఆడియన్స్ ను ఈ టీజర్ ఆకట్టుకుంటుంది. జబర్దస్త్ కమెడీయన్స్ అందరు కడుపుబ్బా నవ్వించారు. సమ్మర్ స్పెషల్‌గా మే లో భవనమ్ సినిమాని గ్రాండ్‌గా విడుదల చేయనున్నారని తెలుస్తుంది.