సందీప్ రెడ్డి వంగా డైరెక్షన్‌ లో వస్తున్న తాజా సినిమా స్పిరిట్’. పాన్ ఇండియా స్టార్ ప్రభాస్ స్టార్ లైనప్‌లో భారీ అంచనాలు ఏర్పరుచుకున్న సినిమా ఇది. ఈ సినిమా ఓ పవర్‌ ఫుల్ కాప్ స్టోరీగా ప్రేక్షకుల ముందుకు తెలుస్తుంది. ఇప్పటికే, ‘స్పిరిట్’ చిత్రానికి సంబంధించిన మ్యూజిక్ సిట్టింగ్స్ జరుగుతున్న విషయం తెలిసిందే.
అయితే, ఈ సినిమాకు సంబంధించి ఎలాంటి వార్త వచ్చినా నెట్టింట వైరల్‌ గా మారుతుంది. ఈ క్రమంలోనే ఈ సినిమాలో సంగీత డైరెక్టర్‌ హర్షవర్ధన్ రామేశ్వర్ ఓ స్పెషల్ సాంగ్ ను ప్లాన్ చేసినట్లు సమాచారం. కాగా ఈ స్పెషల్ సాంగ్ కి సంబంధించి ఓ క్రేజీ న్యూస్ వినపడుతుంది.
ఈ మూవీలో బాలీవుడ్ బ్యూటీ ‘కియారా అద్వానీ’ ఈ స్పెషల్ సాంగ్ లో కనిపించనుందనే వార్త వినపడుతుంది. మరి ఈ వార్తలో ఎంత నిజం ఉందో చూడాల్సిందే. ఈ చిత్రాన్ని టి-సిరీస్, భద్రకాళి పిక్చర్స్ కాంబోలో భారీ స్థాయిలో నిర్మించబోతున్నట్లు సమాచారం.
‘స్పిరిట్’ మెయిన్ కథాంశమే చాలా కొత్తగా ఉంటుందని.. సందీప్ రెడ్డి వంగా నుంచి మరో వినూత్న సినిమా రాబోతుందని సమాచారం.