దాని కోసం స్పెషల్ సెట్! శ్యామ్ సింగ రాయ్ ఫేమ్ ‘రాహుల్ సంకృత్యాన్’ డైరెక్షన్‌ లో విజయ్ దేవరకొండ హీరోగా ఓ సినిమా రాబోతుంది. ఈ సినిమా షూట్ ఈ నెల నాలుగో వారం నుంచి మొదలు కానుందని తెలుస్తోంది. మొదటి షెడ్యూల్ లో విజయ్ దేవరకొండ ఎంట్రీ సీన్స్ ను షూట్ చేసినట్లు తెలుస్తుంది. ఎంట్రీ సన్నివేశాల షూట్ కోసం ప్రత్యేకంగా ఓ సెట్ ను వేస్తున్నట్లు తెలుస్తోంది.
ఈ సీన్స్ సినిమా మొత్తానికే హైలైట్ గా ఉంటాయట. ఇక, ఈ సినిమాలో విజయ్ దేవరకొండ పూర్తిగా సరికొత్త గెటప్ లో కనిపిస్తాడని.. ముఖ్యంగా విజయ్ లుక్ చాలా కొత్తగా ఉంటుందని ఓ టాక్ నడుస్తుంది. కాగా, 1854-78 మధ్య కాలంలో జరిగే కథ కాబట్టి, సినిమాలో చాలా వేరియేషన్స్ ఉంటాయని సమాచారం.
పైగా ఆర్నాల్డ్ వోస్లూ ఈ సినిమాలో ఓ కీలక పాత్రలో నటిస్తున్నట్లు వార్తలు వినిపిస్తున్నాయి. మరి నిజంగానే ఆయన ఈ సినిమాలో నటిస్తే కచ్చితంగా ఈ సినిమాకి ప్లస్ అవుతుంది. ఎంతైనా ‘రాహుల్ సంకృత్యాన్’ డైరెక్షన్‌ లో నాని హీరోగా వచ్చిన శ్యామ్ సింగ రాయ్ చిత్రం మంచి విజయాన్ని దక్కించుకుంది. దీంతో, విజయ్ దేవరకొండ సినిమా పై కూడా భారీ అంచనాలు ఏర్పరచుకుంది.