నందమూరి నట సింహం నందమూరి బాలకృష్ణ హీరోగా దర్శకుడు కొల్లి బాబీతో చేస్తున్న భారీ సినిమా “డాకు మహారాజ్” పట్ల ఎలాంటి అంచనాలు ఏర్పడ్డాయో అందరికీ తెలిసిన విషయమే.మరి ఈ సినిమా తర్వాత బాలయ్య నుంచి సెన్సేషనల్ సీక్వెల్ “అఖండ 2” కూడా రానున్న సంగతి తెలిసిందే
అయితే ఈ సినిమా షూటింగ్ తాజా గానే మొదలు కాగా దర్శకుడు బోయపాటి శ్రీను మరో లెవెల్లో ఈ సినిమాని తెరకెక్కిస్తున్నారు.ఇక ఇదిలా ఉండగా ఓ ఇంట్రెస్టింగ్ టాక్ ఇపుడు ఈ సినిమాపై వినిపిస్తుంది. ఈ చిత్రంలో సీనియర్ నటి లయ కూతురు కీలక పాత్రలో కనిపించబోతుందని సమాచారం. అఖండ పార్ట్ 1 లో బాలయ్యతో ట్రావెల్ అయ్యే చిన్నారి పాత్ర అందరికీ గుర్తుంది కదా. మరి ఆ పాప పెద్దయ్యాక కనిపించే పాత్రలో ఆలనాటి సీనియర్ నటి లయ కూతురు నటిస్తున్నట్టుగా తెలుస్తుంది. అలాగే ఇదే ఆమెకి మొదటి సినిమా అన్నట్టు తెలుస్తుంది. మరి దీనిపై అధికారిక క్లారిటీ ఇంకా రావాల్సి ఉంది.