ప్రస్తుతం తమిళ సినీ అభిమానులతో పాటు పాన్ ఇండియా ఆడియెన్స్ దృష్టిని ఆకర్షించిన ప్రాజెక్ట్లో రజినీకాంత్ నటిస్తున్న కొత్త సినిమా కూలీ అగ్రస్థానంలో ఉంది. ఈ సినిమాను యాక్షన్ ఎంటర్టైనర్లలో ప్రత్యేక గుర్తింపు పొందిన దర్శకుడు లోకేష్ కనగరాజ్ తెరకెక్కిస్తున్నాడు. భారీ అంచనాల మధ్య రూపొందుతున్న ఈ సినిమా ఆగస్టు 14న భారీ స్థాయిలో ప్రేక్షకుల ముందుకు రానుంది. రిలీజ్ డేట్ దగ్గరపడుతున్న కొద్దీ ఈ సినిమాపై హైప్ మరింత పెరుగుతోంది.
మేకర్స్ ఇప్పటికే ఈ సినిమాను తెలుగు, హిందీ సహా పలు భాషల్లో రిలీజ్ చేయాలని ఫిక్స్ చేశారు. అయితే హిందీ వెర్షన్ని ఎవరు డిస్ట్రిబ్యూట్ చేస్తారనే ఆసక్తి సినిమా వర్గాల్లో ఎక్కువైంది. తాజాగా ఆ ప్రశ్నకు క్లారిటీ వచ్చింది. పెన్ మారుధర్ ఈ చిత్రాన్ని నార్త్ బెల్ట్లో విడుదల చేయనున్నట్లు సమాచారం.
అయితే అదే రోజు బాలీవుడ్ నుంచి వస్తున్న భారీ మల్టీస్టారర్ వార్ 2 కూడా రిలీజ్ కానుంది. యశ్ రాజ్ ఫిలిమ్స్ బ్యానర్లో రూపొందుతున్న ఈ ప్రాజెక్ట్ హిందీ మార్కెట్లో పెద్ద క్రేజ్ని క్రియేట్ చేసింది. దీంతో రజినీకాంత్ కూలీకి నార్త్ ఇండియాలో ఎంత స్థాయిలో స్పందన లభిస్తుందో చూడాలి. రెండు పెద్ద సినిమాలు ఒకే రోజున క్లాష్ అవ్వడం వల్ల ఇండస్ట్రీలో భారీ హీట్ ఏర్పడింది.
ఈ పోటీ నేపథ్యంలో ప్రేక్షకులు ఎవరికి ఎక్కువ సపోర్ట్ చేస్తారో, బాక్స్ ఆఫీస్ రిజల్ట్ ఎలా ఉండబోతుందో అని సినీప్రియులు ఆసక్తిగా ఎదురు చూస్తున్నారు.