మైత్రీ బాక్సాఫీస్, మైత్రీ ఆర్ట్స్ బ్యానర్స్‌పై డాక్టర్ లక్ష్మణరావు డిక్కల, డాక్టర్ ప్రవీణ్ రెడ్డి నిర్మిస్తున్న మూవీ ‘హరుడు’. శ్రీహరి, హెబ్బా పటేల్, వెంకట్ లీడ్ రోల్స్ లో చేస్తున్నారు. రాజ్ తాళ్లూరి దర్శకత్వం వహిస్తున్నారు. షూటింగ్ పూర్తిచేసుకుని పోస్ట్ ప్రొడక్షన్ పనులు చురుగ్గా జరుగుతున్నాయి.
ఈ సినిమా నుంచి తాజాగా ఈ సినిమాలో లీడ్ రోల్ చేస్తున్న శ్రీహరి ఫస్ట్ లుక్ పోస్టర్, గ్లింప్స్‌‌ను డైరెక్టర్ రామ్ గోపాల్ వర్మ విడుదల చేసి టీమ్‌ కి ఆల్ ద బెస్ట్ చెప్పారు. ఈ పోస్టర్‌‌లో శ్రీహరి ఇంటెన్స్ లుక్‌లో ఆకట్టుకున్నారు. ఈ సందర్భంగా శ్రీహరి మాట్లాడుతూ ‘మైత్రీ బాక్సాఫీస్, మైత్రీ ఆర్ట్స్ బ్యానర్స్‌లో వచ్చిన మూవీ ఇది.
మా ఫస్ట్ పోస్టర్, టీజర్ ఆర్జీవీ చేతులమీదుగా విడుదల చేయడం చాలా ఆనందంగా ఉంది. ప్రొడ్యూసర్ లక్ష్మణరావు గారు ఈ సినిమాని ప్యాషనేట్‌గా నిర్మించారు. అవుట్‌పుట్ బాగా వచ్చింది. అందరికీ నచ్చుతుందనే నమ్మకం ఉందని అన్నారు. నిర్మాత లక్ష్మణరావు మాట్లాడుతూ ‘సినీ నిర్మాణరంగంలోకి శ్రీహరి గారి ప్రొద్బలంతో ఎంటర్‌ అయ్యాం. మా బ్యానర్ విజయవంతంగా సాగాలని ఆశిస్తున్నా. మా పోస్టర్ విడుదల చేసినందుకు ఆర్జీవీ కి స్పెషల్‌ థ్యాంక్యూ’ అని చెప్పారు.